البارت الرابع عشر
#لو_كان_لي_قلبان 🥀
بقلم الكاتبه ڤينوس ٱرام
شجاني ومن جديد انوب حبيت
جنت عاقل وبس وياك جنيت
تبت توبه نصوحه من العشك دوم
وعلئ فيض المشاعر حرس خليت
قفلت كلبي بقفل مرعوب وبليل
عجيبة شلون انت الكلبي طبيت
للعشرين جن رجعت وياك
وجن كبلك ولا فد يوم حبيت
🥀
نتاشا ـ كالعادة الفضول قاتل مينطيني صبر
رحت لشباك الهول وفتحته
شوي وكعدت اسمع شديحجون..
شفتهم كاعدين يسولفون ويبتسمون موتني الفضول اريد اعرف ليش مبتسمين فتحت الشباك اكثر واتقربت ..
ـ جايك بموضوع واتمنئ متردني مثل كل مرة
ـ ههه كول وان شالله مكضية
ـ يا الله..
يامسهل
بسـ
احم
احح
ـ ختمت القران لوبعدك..
اشرب مي حتئ تروح الكحة
ـ والله ياعمي خايف احجي
ـ ليش خايف
ـ يعني تعـ
ـ ادخل مباشر بالموضوع
ـ عمي
ماحنيت
عليه
وتقبل اصير نسيبك
ـ اي ليش لا اتشرف بيك
بس عندي شرط ..
مهم بدونه ماوافق
ـ صدك والله عمي
يعني صدك قبلت
صدك قبلت بيه
واخيرا راح اصير نسيبك
ونــتنـتاسب
لالالالا ماصدك
والله مامصدك
شوف من الفرحه كام كلبي يوجعني
والله ممصدك بنفسي
بس لحضه
ـ خيرك ابني شبيك
ـ اريد اعرف اني بحلم لو علم
ـ انطيك راشدي
ـ ياريت
ـ ها
ـ متتصور ياعمي شكد جنت خايف ترفضني مثل كل مرة
والله ماخليت دعاء مادعيته
الاعرفه والماعرفه
معقوله اجئ هاليوم …
ماصدك صدك ماصدك
ـ اهدئ جواد شبيك
ـ مصدكت نفسي من كلي ليش لا اتشرف نسيت كل الكلام البعده
وركزت ع هالكلمة
من الفرحة
صار عندي خفقان
ماسيطرت علئ دموعي
ولا انفعالاتي كمزت عليه
وحضنته وكمت ابجي ..
وهو هم ماردني وبقئ حاضني بجيت دقيقتين وابتعدت عنة
حسيت رجلي ماشالتني من الفرحة ووكعت بالحديقه
ـ اهدئ شوي ..
موهيج..
هاي صدك تحجي ..
كافي بجي وكوم اوكف ع حيلك
ـ والله عمي ما مصدك اسمعهه
ـ هسه انت شفتهمت بلة…
يجوز الشرط ميعجبك ومتقبل عليه
ونختلف
ـ اني ماصدكت يجي اليوم الترضئ عليه بي انوب اكعد اتعزز عليك ..
أمر عمي كول
التريدة يجرالك
