البارت الرابع والاربعون
#لو_كان_لي_قلبان🥀بقلم الكاتبة ڤينوس آرام
مرسومه بجلدنه ذيج الانياب
الجرح لوطاب هم يترك نياشين… .
اياد ـ هذا رقم غريب
ام هشام ـ ياستار منو يتصل هيج وكت
اميرة ـ شهالفهاوة دشيلوو عاد خل نفتهم
اياد ـ الو
هشام ـ يابة شلونك
اياد ـ هشاااام ابنيي
ام هشام ـ يمةةة وليدي وگ وينگ وين صفة بيك الدهرر وگ يمة هــشام عيوووني
اياد ـ اسكتي عــاااد خلي افتهمم اريد اسمعة شيحجي ..
الوو هشام
ـ ها يابة وينكم انتو وين
ـ شبي صوتك ولگ
نتاشاـ اسمعهم يحجون ويهوسون لكن صوت ام هشام مديخليني افتهم شي
..بس سمعت اياد يصيح ويكلة انتة منو احجي .. فتحت الباب شوي حتئ اسمع اوضح سمعتة يكلة انت ابو سكينة جيرانة بالشعب
ابو سكينة ـ اي اخوية اني جاركم البشعب.. ابو البيك اب اتذكرتني
ـ اي اي
ـ ترة ابنك متصوب وكلش تعبان طلعت للجامع اصلي لكيتة منجفي اباب بيتكم الجنتو مإجري ودخلتة عندي بالبيت
ـ ﻻكول غيرهه يمعود متصوووب شبي
ـ ملابسة بيهه دم
ومتصوب من الجتف
وايدة مورمة رجليه مجرحة
تعالو حتئ تاخذو للمستشفئ اني ماكدر اخذة لايبلوني بي
ـ دخــيلك دير بالك علــيه جايك طاير ما اتاخرر.. وينكم انطوني السوويج وووين حطيتوو وين شلــتو
نور ـ هذا هيانة خالو يم التلفيون حطيته
ام هشام ـ شبي وليديي احجي شبي هشـــام
ـ خلي اروحلة اخذة للمستشفئ يكول متصوب
ـ يمةةة وليدي متصوب
اخذنـــي وياااك ماعوفك وحدك
رجلي علئ رجلك
ـ امشي امشي بس لا تأخرينيي البسي عباتج علئ السريع مو تبدلين
ـ مابددل هـــو هذا وكت تبديل
وج يمة نووور ركضي جيبيلي عباتي من فوك بنيتي ..
الله لا ينطي الدواعش والجابهم علينة
يكون الزمهم اكص لحم من لحمهم
اثرمهن ثرم بيدي يالنكسييين
الله بلانه بهالجـــلاب وانهدت علينه
نتاشا ـ وكفت يم الشباك
اتفرج عليهم
شلون ملهوفين علئ ابنهم ..
اشو الصبح جان مداير بال
ولا مهتم
ويدور اكل
ويتفرج تلفزيون ويسولف ..
هسة صار عزيز عليهم هشام..
مخابيل ..
مادري شبية اشو ابد ممقهورة عليهم
حتئ هشام شكد قبل جنت احبة
و هسة بسببهم كرهتة
ادري ما الة ذنب
بس اني هم ما الي ذنب ..
كل ذنبي صرت بنت اخوهم ..
