البارت الثالث والثلاثون
#لو_كان_لي_قلبان🥀بقلم الكاتبة ڤينوس آرام
حال هشام :
مگالب والليالي تريد وسعة بال
وهموم العلي مامرت بواحد
#عريان السيد خلف
🥀
روئ ـ رجعت للمنشور شفتهه كاتبة
خطيبي الله لا يحرمني منك..
ماعرف ليش انقهرت علئ هشام
وبنفس الوكت خفت لا تكب مشكله بين هشام وجواد مرة ثانية
هشام ـ احجي شنو شبيج شلكيتي
ـ هذا صادق اخو جواد
خطب شهد… ياهشام
ـ اتذكرت صادق السألته عن جواد بوفاه امة ..ووكفت وياهم وساعدتهم وبديت صفحه جديدة وياهم..
كلش اتنرفزت من هالخبر
بس كتمت ضوجتي بكلبي مابينتهه
ـ ما اتصور جواد يعرف بقصتكم انت وشهد والا جان اكيد مقبل..
ـ باوعت عليهه وضحكت..
اشو وجهج مخطوف
ـ مو ..
والله بصراحة ..
توشة كلش خايفة تتوتر علاقتكم مرة ثانية
ـ وعلئ شنو
ترة صارت غريبة عني
لا اعرفهه ولا تعرفني
وحدة جنت رايدهه والله ماقسم
شلون يعني تضرب عن الزواج
ـ اي بس مو تاخذ اخو جواد
وين شافته وين عرفته..
شجابة عليهه
ـ غمضت عيوني وضحكت ..
بخطوبة نتاشا نسقت وياه..
واضبط شي ..
اني اخذتهه بيدي اله ههههه
ـ شكد ادبسزز ..
عفية شلون جنة مخدوعين بيهه..
ـ لا مانخدعت
استاهل الصار بية..
اني جنت اعرف سلبياتهه
واعرف بيهه مادية وتحب الفلوس..
بس جنت دائما اكول احنة بشر
ومحد كامل بينة..
مثل ما اني بية عيوب
وبية نقص ..هية نفس الشي
واليحب يتحمل
بس بحياتي متخيلت راح تستفحل
لهاي الدرجة وتوصل هيج مواصيل…
ـ الناقص كلشي يطلع منة
حرامات الصرف والتعب بيهه
ـ نكول الحمد لله
هاي حتئ لو متزوجهه
هم جان كلبت عليه وطلبت الطلاق
لان حالهه مثل الدجاجه
تموت وعينهه علئ الزبل
ـ سودة عليه حبيبي
ربي يرزقك بوحدة مثل نتاشا واحسن يكون طيبة كلب ولسان ووتخبل يكفي رسم عيونهه ولونهه ادوخ
ـ هههه ..
مالكيتي غير توشة
ـ حرامات ياهشام
شكد اتمنيت توشة تصير الك
بس انت جنت مجلب بهالناقصة
ـ كافي روئ
الملامة متكعد بخت ولا ترجع الراح
يلة اني رايح اسبح وراية طلعه..
ـ وين طالع بهالليل
ـ معزوم سهرة يم صديقي علي
ـ علي ؟ منو هذا
ـ واحد اتعرفت عليه عن طريق ياسر تعلاكة منتسب بالحشد الشعبي والبارحة نزل وعازمنة
