#لو_كان_لي_قلبان 🥀
بقلم الكاتبه ڤينوس ٱرام
#بارت١٣
شافوني ابتسم گلولي مرتاح
گلت مرتاح حيل وعندي کلشي
امر بل مگبرة والموته کلهه اتصیح
خایب میت انت اشلون تمشي
🥀
اتجيت علئ باب السيارة ومن دة انزل عثرت لزمني هشام كلي وخري حبابه لو عليج باجر يلة تدخلين البيت..
ابتسمت وشالني..التفتت لكيت جواد بوجهي واكف يم سيارته ويباوع عليه وفاتح عينه وتعابير وجهه متتفسر .. مهتميتلة لان كلش تعبانه وراسي ثكيل من الالم وحالتي النفسيه زفت
وبنفس الوقت خجلانه اخلي عيني بعينه لان اكيد زوجات اخوتة حجوله عن المهزله الصارت من عمتي وسوالفهه المتنحجي ..
دنكت راسي ودخلني للبيت كعدني ع القنفه وكعد يمي ..
ادور بالوجوه ماشفت بابا بس اسمع صوت اميرة بعدهه تحجي وعمي منير يسكتهه ..
سألت لمئ وين بابا كلتلي اتخربط ونام بغرفته .. كمت من مكاني اتجي بالحايط واصيح… بابا وينك بابا شبيك
صارت بوجهي اميرة ولا جنهه مكتوله بس شوي شعرهه مكفش لكن وجهه مبي شي اتصورت وجهه متاذي من الكتل الاخذتهه ..عفتهه وكملت طريقي
اميرة ـ شوف شوف العيارة مو علئ اساس مريضه اشو مثل الصل كامت كلشي مابيهه
منير ـ سكتي عـــاد شنو من بشر انتي يلا سلامة امشي دنروح وانتي امشي ويانة اخذج لبيتج كافي مصايب اليوم
ـ والله ما اطلع الا اجيبله الشرطه واخليهم يسحلو سحل
هشام ـ ميسوولج لان كلنه راح نشهد ضدج ونحجي الحق ونوكف وية عمي ونكلهم انتي الي بديتي واذيتيه واذيتي بنته
ـ هه الله يدري شنطتك بنته من طلعتو وهيج طابك وياهه
لاالا لااااا بعد ما اتحــملج هدوني عليهه وخروو..لزمني عمي امير ومقبل يتركني
امير ـ كافي هوووسه ابني ..عمك مريض لاتاذو اكثر خلي تولي هسه عمك ياخذهه ونخلص ..
يمعود وينك منيررر تعال اخذهةةة منا اطلعي منا اطلعيي ولج شنو من بشر انتي امشي امشي وينج شيماء بنتي انتي ولمئ لمي غراضهه والاكل ومدري شنو عدهه وخلوهن بسيارة منير خلي ياخذهه ..
وينك سيف اخذ عمتك وصعدهه بالسيارة لاتخليهه تنزل بعد كافي انفضحنه بالمنطقه الله ياخذج
ـ اسمع عمي امير يحجي عليهه ويصيح وهي هم ترد عليه ولا تسكت عفتهم دخلت غرفه بابا وسديت الباب لكيته متمدد ومابي حيل ووجهه اصفر كلش قهرني من هيج شفته… كعدت يمه وحضنته شهكت وبجيت ..
ـ شلون صرتي بابا ضل بالي يمج اخذولج فحوصات عرفو شبيج
ـ لاتخاف ئليه هبيبي..
اخذولي فهوصات ومبيه شي
المهم انت زين..
ليش هيج تگهر بروهك
مهد يستاهل تروح صهتك ئلمودة
