البارت السادس والثلاثون
#لو_كان_لي_قلبان🥀بقلم الكاتبة ڤينوس آرام
طشت..!
اسنين المحبة
ومن بگاياهن شلم..؟
مرة تغفه جروحي بيه
ومره احنن وانلچم..!
#عريان السيد خلف
نتاشا ـ اخذ اتفرج واقرة وشوف ..
بس لاتعصب الله عليك
جواد ـ اخذت الفون
وشفت الفيديوات والصور
وقريت الجات ..
شمرت تلفونهه
وطلعت لبيتنة اركض...
ـ شفتة تعصب وطلع يركض ..
طلعت وراه طايرة
جــواد ويــن
جـــواد اوكف
يمعود وين رايح
اوكف خلي نحجي
بس لحظة انتضر شوي
ـ وكفت اباب الكراج وكلتله...
رجعي لمكانج ولاتجين ورايه
ديري بالج اطلعين من بيتكم...
عفتهه وسديت الباب
وشبخت لبيتنه
كوة ندليت المفتاح و فتحت الباب ودخلت اصيح بالبيت لـصادق
صـــادق
صـــــادق
لك صاااادق وينك تعال بسرعه ..
ضليت انتضر تقريبا 5 دقايق ماكو وكفت يم الدرج وصحت بصوت عــالي
صـــــــادق لـــــك ويـــــنك
طلعت اسراء تركض ..
وكلتلي ديسبح هسة يجي...
كليلـــــة يستعجل اريدة ضروري
ـ شنو جواد صاير شي
ـ انتي بس كليلة خلي يستعجل ومعليج بالباقي...
ـ اي هسه صار
ـ مرت اكثر من 10دقايق وطلع من غرفة اسراء..
صادق ـ هــا..شبيك جواد يمعود جنت....استغفر الله
والله فززتني شبيك مو تدري انـي ...خرب صنمك شصاير احجي ..
ـ عود عوضهه غير مرة...
صيحلي مرتك
ـ ياهي منهن؟
ـ الثانية
ـ ليش شصاير ؟
ـ صيحهه وبعدين تعرف
ـ وجهك اشو ميتفسر ...
ـ خزرتة بنضرة خليتة يوكف يم الدرج ويصيحلهه
ـ شـهد ..
تعالي نزلي جواد يريدج
ـ اجتي تتمشئ وتتمندل
ووكفت براس الدرج..
شهد ـ خير؟
جواد ـ الخير من شاف وجهج اخترع وحلف ميدخللنه بعد
شهد ـ عشتو
صادق ـ شنو صاير فهمني
ـ كلهه خل تنزل حتئ نعرف نحجي ..
ـ يابة تعالي نزلي ..
نزلــي خلي نشوف شكو فضينه
ـ نزلت واجتي وكفت ورة صادق تحتمي بيه ...
من الاخير احجي ليش هيج سويتي
شهد ـ يعني انت منزلني من غرفتي علمود تسالني شمسوية؟
ـ ترة خلكي كلش ضيق
ونبهتج من قبل
لا تبتلشين ويايه
وابتلشتي..
فـ اتحملي النتائج
احجي شسويتي وشدزيتي لتوشة
اعترفي بسرعه
