البارت السابع والاربعون
#لو_كان_لي_قلبان بقلم الكاتبة ڤينوس آرام
جواد ـ لزمت هشام من ياختة
وشاورتة لان الناس ملتمة ..
ترة اني لاعب لعب بيهه
ولامسهـــه
وممبقي مكان يعتب عليه بجسمهه
وتشهد عليه شفافي وشفافهه
قلبان🥀
هشام ـ انهاريت من هذا الكلام
بس ضليت فاتح عيوني
ومتماسك كدامة
مابينتلة انهياري ....
ماصدك كلامك
وغصبا ماعليك
نتااشا الي
بنت عمي الــي
انت الجبتهه لروحك ياجواد
وهذه جزاتــــــك…
فلتت ايدة من ياختي ودفعتة
جرني ابوية من ايدي
يريد يدخلني للبيت
بس نضراتنة احنة الاثنين
بيهه تحدي لبعض
ضل هو يصيح ويعيط
واخوتة يجرون ويدفعون بيه …
وكفت بمكاني حاير ودايخ
من هالحجي
لو ماعيب
اكعد هنا ابجي من كلام جواد
بس شي بداخلي يكلي كذب
مامسوي شي هذا ..
بس يريد يستفزني لا اكثر
اشوف لجواد وكف بمكانة ونضراتة تغيرت وبدة ينهار ..
حزين ومقهور ومتأذي ..
راسا اتقرفص وكعد اباب بيتهم
ايدة علئ راسة و يبجي هذا كذاب ..
لو فعلا مثل يكول مسوي هيج وياهه ماجان نهار وكعد يبجي بهالشكل ..
اباوع لتوشة ساحلاتهه امي واميرة للبيت وهي تبجي وتدافع وياهم
تركت مكاني ودخلت اركض حتئ اخلصهه منهن ..
جواد ـ عوووفني احمـــــددد وخــــروو كلكم عنــي خلوني اشووف شغلي ويــــاه
احمد ـ امــــــــشي ووولك امشيي يوومية طلابة يومية سالفة ماطلعت خطووبة من ساعه السودة الصارو جيرانةة
جواد ـ بعدتهم كلهم عني
ووكفت يم باب بيتنة
تعبان اتصبب عرك
حاير متاذي كاره روحي
ماريد ادخل للبيت
احس نفسي مخنوك
ولك اني هيج تسوي بيه
ولك تريد تاخذهه مني يالنذل
ولك والله ارتكب بيكم جريمة
واذبحكم كلكم واحد ورة الثاني ..
ااااخ يالكعبة
راحت من ايدي نتاشا
شسووي وين انطي وجهي
معقولة تروح مني بهالسهولة
رجلي ماعادت تشيلني
كعدت اباب بيتنة ومتحملت اكثر
يكولون عيب الزلمة يبجي
بس اني نزلت دموعي
خلص بعد ماكدر امثل
علئ نفسي وعلئ غيري ..
خلي الناس تحجي عليه
شتريد تحجي خلي تحجي
ماعاد يهمني
اني بشر وبعد ماكدر اتحمل ..
كل الابواب انسدت بوجهي
ماضل باب مادكيته
نزلت نفسي ورخصتهه لليسوة والميسوة لجل عينهه ..وماكو فايدة ..
حتئ شيخ مزاحم رفض يساعدني
لاني كسرت كلمته من قبل ..
ادري ربي ليش هيج وياية
ليش دتاخذ كلشي احبة مني
ليش قسمتي هيج
سودة مصخمة من دون الناس…
معقولة باجر يعقدلهم هالكواد
والله اقتل ابنهم واحط ابوه فوكاه ..
اي مستعد اصير مجرم
ماعندي اي مانع…
وخلي انشمر سجن وراهه
علئ الاقل اخلصهه من هالعارات اليمهه
صادق ـ مكافي عاد صفنات تعال طب جوة
ـ ماريد خلوني هنا كاعد
