البارت الثلاثون
#لو_كان_لي_قلبان🥀
بقلم الكاتبة ڤينوس آرام
#جواد يكول
انعم الله علئ الوكف والماوكف بالضيج
هن ايام يكضن والقصص تبقى
خلص درب المحنه وناس عافت ناس
وحتئ الي نودهم مسحو الذكرئ
الطير العافني وحط اعلئ غير اغصان
لايرجع بعد دلالي مو شجرة
#عريان السيد خلف
🥀
نتاشا ـ يشوف
رسالتي بس ميرد
صار عندي احباط
ممعقولة ميجاوبني
يجوز فاتحين فيسة
وهو بعدة مسجون
لا مستحيل
هو ميقبل ينطي فيسه لاحد
شبي جواد ليش ميرد علية
رديت اتصلت راسا انغلق الفيس
طلعت من الفيس ودكيت علئ الشريحة
رن مرتين وبعدين طلع مغلق..
ضليت كاعدة
بمكاني مشدوهه..
ماعرف شسوي
لازمة الفون وصافنة
بيمن اتصل..
اجتي ابالي اسراء زوجة صادق
راسا اتصلت عليهه…
هم يرن ومتشيل
اتصلت علئ صادق
نفس الشي
رجعت علئ اسراء
وضليت ارن عليهه بلكي تشيل
تقريبا 5 مرات اتصلت يلا رفعت الخط ..
الوو اسراء ليش متجاوبين
ـ حبيبتي اسفة والله
بس البيت مخبوص
ـ ليش شنو صاير فهميني ..
و شنو هذا الصوت والهوسة اليمج
ـ الولد ديتعاركون بينهم لان
جواد طلع من السجن و
ـ طلع
صدك يئني
هذاك الرجال ما مات
زين هو شلونة
ليش ميرد ئليه
اتصلت ئليه وميجاوب ليش
ـ نتاشا ماكدر اجاوبج
البيت مثبور ثبر
بس تهداء الاوضاع
اتصل عليج والله
ـ اريد افتهم شنو صاير
ضل بالي
ـ وعد مني بس تهدا الاوضاع
اتصل عليج… يلا باي
ـ غلقت الفون
واني كلشي ممفتهمة منهه
بداخلي حزن وفرح
فرح لان طلع من السجن
وحزن لان مااتصل علية
ولاطمني عليه
ولا اهتم بية
ولا جاوبني من اتصلت..
معقولة نساني وتركني
معقولة شاف اتصالي
ومارد عليه
مامشتاقلي…
هاي شبيج نتاشا
امة متوفية
اكيد ملتهي
بس بشنو ملتهي
الفاتحة وخلصت..
ياربي شلون
كلبي نار
اريد اعرف شبي وياية
ليش انقلب عليه هيج..
تركت الفون من ايدي
وكعدت مالي واهس بأي شي…
اعصر بدماغي
بشنو غثيته وهيج صار يعاملني ..
معقولة لان سافرت
وهو وصلنة
حملني ذنب هالامر
لالا جواد موهيج
عقلة
اكبر من هالكلام
ياربي ساعدني
اريد افتهم وارسئ علئ بر… .
ــــــــــــــــــــــــــــــــــــــــ
جواد ـ مر اسبوع
واني مسجون
محد من اخوتي مر عليه
ولا شافني ..
حزني علئ امي
خلاني انطوني علئ نفسي ..
كلامي قل وية البشر
بس بخيالي اسولف وية امي
الاكل والشرب تركتهن
بس جكاير وجاي
هذا صار كل اكلي…
صديقي الضابط عمر
حاول ويايه
اكل اشرب
مافاد
يعرفني ماحب الملحة
وتركني
نوبات جان يجيبلي
تلفوني بالبوكة
اشوف بيه صور امي
واستذكرهه
بس ممنوع اتصل علئ احد
يجيبة ويرد ياخذة
لان ممنوع تلفون عند الموقوف..
