البارت التاسع والعشرون
#لو_كان_لي_قلبان🥀بقلم الكاتبة ڤينوس آرام
#جواد يعاتب اخوته:
باچر تگضي واتذكر مواقفكم
واجي والگه الفشل كل حيلة تارسكم
باچر روسکم بالملگه ماتنشال
تدنگ والحچي الينگال يوجعكم...
🥀
جواد ـ خلص النهار بس
الله يعرف
بحالي شلون خلصته..
كاعد واتصفن…
اجو عليه وكلولي
عندك زيارة
شخص جاي عليك
كمت اركض ..
عبالي واحد من اخوتي او نسابتي..
دخلت لكيت هشام كبالي واكف ..
باوعت علئ صديقي صديقي الضابط ورديت باوعت علئ هشام ..
الضابط ـ عندة حجي عائلي وياك ادخل
جواد ـ دخلتت للغرفة
وطلع الضابط وسد الباب ..
جنت كلش متأمل
يجيني واحد من اخوتي يشوفني ..
ابد متوقعت اشوف هشام كبالي ..
ماعندي عقل افكر
ليش جاي وشنو يريد
دخلت وكعدت علئ القنفة
ثنيت ايدي علئ رجلي
وحطيتهه علئ راسي ودنكت…
هشام ـ من دخل للغرفة
ضليت صافن بوجهه ..
هذا شصاير بي
عيونة حمر دم
وهالات سودة بيهه
وجهه مضروب مبينة بوكسات..
راسة مفشخ ايدة مجرحه ملابسة مدمرة..
اذا هيج متاذي
حقة يلزم عليهم سكول سپانة
ويجنز واحد منهم..
شافني انصدم ماحجة اي كلمة ..
دخل وكعد ع القنفة..
مبين عليه مسكور من كعدته..
كعدت ع الكرسي ..
وكلتلة
البقية بحياتك
عساهه اخر الاحزان
ربي يصبرك علئ فراكهه
جواد ـ دموعي صارت تهل بهالحجي
يعني صدك امي ماتت وماكو امل تكون كذب هالسالفه ..
استجمعت قوتي
مسحت دموعي وكلتلة..
البقاء لله
رحم الله والديك
ـ دزني عمي هيثم عليك حتـ
ـ من كال دزني عمي هيثم كلبي انعصر فوك عصرته ..
لاتكملوهه عليه فدوة
ـ مفهمت
ـ معقولة يريد يفسخ الخطوبة واني بهالحال
ـ منو كلك يريد يفسخ الخطوبة
ـ الحظة فكر مثلي كل المصايب تهل عليه بساعه وحدة
ـ لا وين رحت
دزني حتئ اطمن عليك
ـ انعصر كلبي من هيج حجة
اتمنيت ارجع طفل وابجي
حتئ محد يكلي عيب انت رجال
كوة لزمت دموعي ..
رحم الله والديكم
طول الليل منتضر
واحد من اخوتي يمر عليه
شدة زلم اذا وكفو يسدون شارع بطولة
بس ماواحد منهم ذكرني
ـ احنة…
هم اهل
ـ متقصر
ـ اريد اكلة نتاشا تبجي ومخبوصة عليك بس مادري ليش مكدرت احجيهه
كأنو نعكد لساني ....
رحت للفاتحة وشفت اهلك
ان شالله يمرون عليك بعد الفاتحه
