البارت الثامن والاربعون
#لو_كان_لي_قلبان🥀بقلم الكاتبة ڤينوس آرام
حال هشام :
علـخير اذا گـلبك رجف
وتونس ولاتنقـهر
تستاهل انت الونسه
صـح حالي بغيابك صـعب
بس الطفل من ينضرب
مايعرف يفك نفسه
حاولت اخفي ومانفع
لك اخ شيسوي الوجع
بنسان يتذكر شخص
والشخص رايد ينسه
اميرة ـ ها ..وين بنت عمك..
وين وديتهه
اياد ـ لك هشام
وين وديتهه لنتاشا.. لك انطق وووينهه
هشام ـ كلهم صافنين بوجهي
ينتضرون كلمة تريحهم مني …
عاد حجيتهه ببرود اعصاب
لان اعرف راح اقابل اعصاار…
كلتلهم
زوجــــتهــــــه واجيــــت
حجيتهه وراسم ابتسامه
كاذبة خفيفة علئ وجهي ..
بالبداية ضلو ساكتين
ومحد حجة منهم
مامستوعبين الخبر
صافنين بوجهي واني هم علئ الواهس صافن عليهم ..
عيونهم تجدح نار وتتسأئل
اعرف المصايب راح تهل بعد هالكلمة وجوهم متبشر بخير
اياد ـ شكلت ؟
اميرة ـ عـــــزة العــــــزاك صدك تحجي
ام هشام ـ يمة احجي وين وديتهه شنو زوجته
روئ ـ لا اكيد تشاقة ويانة شبيك هشومي فدوة احجي وين بنت عمي
اياد ـ لـــــــك انطــــق احــــجي ليشش سااااكــــــت
ـ عدلت شوي وكفتي ورديت ..كلتلكم زوجتهه واجيت.. ليش متصدكون
اياد ـ المـــــــــن ولك لكواااادهـــــه
ـ اي لجواد لعد المن ..
حجيت هالكلمة
وماحس الا بجف ابوية ينزل علئ وجهي
متوقع هالحركة منه ..
ضليت واكف بمكاني بعد الراشدي… كلتلة
تمون عليه ابو هشام
اضرب مثل متريد
لزمني من قميصي و عيونة بعيوني تجدح نار وشرار كلهه غيض ..
اياد ـ شلون زوجتهم ولك بيا عرف بيا قانون يزوج ابن العم بنت عمة ؟
كول اخذهه بدون زواج اكولك اي معقولة
ـ ليش شايفني ماعندي غيرة
حتئ انطي بنت عمي هيج…
زوجتهه زواج شرعي يم الشيخ
اميرة ـ شوووف
واني اكووول ليش ما قبل ياخدنة اني وبناتي وياااهم.. طلع امبيتهه النـــذلل
ام هشام ـ لك احجي ليـــششش هيج سووويــــــت يمصخممم
روئ ـ اهدئو شوي يمعودين
خلي نفتهم شصار
هشام مستحيل ييسوي شي خطاء
اياد ـ لك احجــــــــي شلووووووون زوجتهه بدون علميييي
ـ لان هو هذا الصح
خلصتكم من مشكلة جبيرة جانت راح توكع علئ راسنة .. والاهم منهه خلصتك عذاب الضمير
