البارت التاسع
#لو_كان_لي_قلبان 🥀 بقلم الكاتبه ڤينوس ٱرام
• ⇣ • ⇣ •
ابقــه #يمـي
صرت اشوف الدنيا #بيك
الدنيــا ماتوڪـٓف ع #احــد
بس احس #وڪـٓفت ؏ـليگ ❤️
نتاشا ـ طلع بابا حافي ويركض وطلعت وراه وكفت بالباب شفت هشام مجلب بقميص جواد..
وجواد يكله لخاطر عمي هيثم ساكت عنك و ماريد امد ايدي عليك..
بابا صاح باعلى صوته هشــام شدسوي ولك شنو صاير فهموني ..ولك عوفه ابني عيب…
بس اضاهر هشام ماسمع شي لان جانو يتصايحون بيناتهم واصواتهم العاليه رجت الشارع رج وطلعو الجوارين من بيوتهم
..جواد جر ايد هشام وبعدهه عنه لان جان لازم قميصه..
بس هشام لزمه وضربه بوكس علئ وجهه وصار كله دم اندفع جواد ليورة وركضو اخوته وسندوه ..
رد فلت منهم وركض علئ هشام ودفعه بس ابن عمي شال طابوكه وضل يضرب بقوه عله عكس ايدة شفت ايدة عبالك طكت واتمروجت ورأسا وكع جواد ع الارض شفته وانجنيت اعيط من يمي واصرخ التمو كلهم علئ هشام يريدون يضربوه
ركض بابا علئ هشام وضربه راشدي بنصهم وخلة هشام بضهرة وصار كدام اخوة جواد حتئ لا يضربوه..
التفت بابا علئ هشام وكله… شنو معنئ هالتصرف ليش ضربت جواد وشجابك لهنا فهمني شصاير ؟
هشام ـ اشوف الدنيه كلهه ملتمه من الجوارين وكلهم غرب ..
عمي مينحجي شي هنا بالبيت احجيلك
احمد اخو جواد ـ
ســالفتك جبـــيرة ولك كســرت ايـــد اخــووية هذا السويته نعتـــبرة تهجم علينه ومالك علينة حك والله لنفصلكم بـ 10 نسوان اذا متبرر موقفك وتكول اخويه بشنو غلط وياك ؟
هيثم ـ خوية شوي اهدو وميصير خاطركم الا طيب ..بس خلي نفهم شصاير
احمد ـ اذا انت عمة ومتعرف شصاير .. تريدنه احنه نعـــرف .. كاعدين بأمان الله اندك الجرس طلع ابني الصغير ورجع كال واحد يريد عمو جواد بالباب
يطلع اخويه واسمع الهوسه تكب ولازمه يضربه وكاسرله ايدة..عمي مو احنه الجايين عليكم انتو التهجمتو واذا عدكم حك تاخذوه بالعشاير وهذا اخر كلام عندي
هشام ـ ولك اشسويت الله يطيح حظك غير تفهمني شنو صاير ليش ضربته.…
انت اياد احجي فهمني ليش اتهجم عليه ولكم احجو شي فهموني
نتاشاـ من شفت جواد انضرب ووجه كله دم تخبلت ومتت بجي..طلعت اركض ماحسيت علئ نفسي الا واني واكفه يمهم وصرت بضهر بابا مباشرتا ..
علي يمنة بابا هشام وعلئ يسرته جواد كوة واكف من الالم خطيه لام ايدة لصدرة ميكدر يحركهه.. شافني واتخبل رأسا همسلي بصوت ناصي
جواد ـ شطلعج دخلي جوة
هشام ـ شوو وخر عمي ..
هدني عليـه
ولك انت شعلـــــيك
احنه مو بعينك لك احنه اهلهة لاتحجي وياهه معليك بيهه منو انت وتكلهه دخلي ولك احنه زلم مو بعينـــك
