البارت الخامس والعشرون
#لو_كان_لي_قلبان🥀بقلم الكاتبة ڤينوس آرام
جنت بليل المحبين ....
شلذ اسمك على الخاطر
وجان الشوك بيك رسوم ..
حلوة ..ولهفة مسافر
وجنت وياك
خلك الكاع للكيض ....
وصبر شاعر
وبلا جلمة التنكال
كل ذاك الفرح ينشال
#عريان
🥀
هيثم ـ شنو يمعودين شبيكم
لاتهبطونه
نمارق ـ خالو بابا
هيثم ـ احجي بنتي شبي ابوج
اميرة ـ الحكني هيثم ابو صلاح ضربني واخذ فلوسي واشترة بيهه كاع وتالي طلع متزوج عليه
هشام ـ متزوج؟
هيثم ـ بس متزوج !
عبالي قاتل واحد من عدكم عبالي مسويله مصيبة ومدخلكم بيهه..
اميرة ـ هاي هيج تحجي وية اختك
هيثم ـ اختي ؟
ههه تؤ…
ولو اني حالف انتي متدخلين بيتي بس راح اكسر الحلف..
دخلو جوة
الحجي ميصير هنا عيب
نتاشا ـ دخلنة و دخلو بنات عمتي اميرة وامهم جوة للهول ..
هيثم ـ بابا روحي سويلهم ريوك اكيد ممتريكين
نمارق ـ لا خالـــ
هيثم ـ تؤتؤتؤ ماريد حجي
يلا توشة روحي
نتاشا ـ دا بابا
رحت سويت الجاي وحضرت الصينية ع السريع كيمر ومربئ وجبن ولبنة واكو بيضيتين مسلوكة خليتهن
وصبيت حليب وجاي لبنات عمتي
بس لعمتي خليت كوب جاي
ما انسئ من اجتي شسوت بية ..
اخذت الصينية ورحت للهول خليتهه ع الطبلة وقدمتهه يم عمتي وبناتهه
هيثم ـ اتريكو وبعدين نسولف
هشام ـ عمي اني اروح للمحل
هيثم ـ لا لاتروح خليك هنا
اميرة ـ شنو هاي ؟
من شوكت شغلته وياك عيني
هيثم ـ معليج بهالسوالف ..
وحيري بمشكلتج
نتاشا ـ باوعت بخزرة عين
وردت رجعت للريوك
اتريكو وخلصو باقل من ثلث ساعه شلت الصينية وشمرتهه بالمطبخ ورجعت ركض اريد اسمع شنو راح يحجون..
هيثم ـ هسة احجو وفهموني شصاير
نمارق ـ اني افهمك خالو
ابوية اخذ فلوس امي
يعني حصتهه من البيت علئ اساس راح يشتري النة قطعه ارض زراعي باطراف بغداد نبنيهه ونخلص من الايجار اشو اخذ الفلوس والروحه روحه
اميرة ـ الساقط السافل النذل باكهن ونهزم
هيثم ـ شلون باكهن ؟
