جـمـوح_ انثئ
بارت _ ١_
للكاتبه داليا_المسلم
السلامُ عليكم ..... أشـونكـم .... احبابي
ورجعت وياكم بقصة جديدة قصة حقيقية 💯💯
والبطلة فقط اتابع ويانة القصة تحكي عن فتاة تربت وعاشت حياتها بلا قيود متحرر بعقلها الصح والغلط الكل عدها سوا سيا
بسبب الدلال المفرط المقابل ايشوفة
لكن الام تشوفه ثقة انطتها بيد فلذة اكبادها فهل ياترى بطلتنا راح تستغل الثقة ام تحافظ عليها تعالو وياية. اليوم نروح عبرة خارطة العراق ونستقر باأحد النواحي
سابقاً كنت ناحية من نواحي تابعة لمحافظ صلاح الدين
((((( الدجيل ))))
..........................💚
أحياناً تراودنا في الحياة ذكريات رائعة ومؤلمة في نفس الوقت وأحياناً نبكي من شدة ألمها أو من
فرحها.. يا لها مِن ذكريات.. ذكريات تأخذنا إلى عالم بعيد تشمله الألغاز.. الألغاز التي لا نعرف إلى أين
تأخذنا.. هل تأخذنا إلى الذكريات المؤلمة أم إلى
الذكريات الجميلة والتي تبقى في الذاكرة.. لا تنسى
حتى الذكريات المؤلمة لا تنسى لأنها تكون ذكرى حزينه تتعلق في الأذهان فعندما نحاول نسيان الماضي.. يأتي أحد ما ويذكرنا بها...
رضيت بالغياب ولكن الذكرى لمْ ترضى بالرحيل. فكيف الحل ،،،،؟؟!
رفعت راسي واني اباوع ..... للسماء شفتها
ملبدة بغيوم الشتا الي مثل غيوم روحي
والي وية كل نسمة هوى باردة تمر تخطف اعز ذكريات متوغلة بعقلي......
طلعت من بيت خالي بعد سلمنا عليهم أني وخالتي بعد ماكضيتها صفنة
على گل كتر ابيتهم ...........
ونعادت گل ذكرياتي هنا بعتبت هل الباب
راح نضري صوب الحديقة اووف شكد لعبت بيها وشكد عندي ذكرى بيها وقع نضري على شجرة النبگ الي ذكرياتي وياها اجمل ذكريات
اضربها ...... بالحجارة حتى يوكع نبكها والمه واذا احد من ولد خالي اخذ لا
الله كتبها عليه الزمة اكطعة والي يوكف يلم اليه وأني اقسملهم نبگ بگيفي
بعدها شجرة التين الي على يمينها الي اخاف المسها لان اتحسس منها ودوم كنت ادفع سماح تروح تحوشلي
ذكريات ذكريات ذكريات
اخخ يازمن درت وجهي واريد كلشي تركني ينمحي من ذاكرتي خلاص اريد انسى بس وين هيهات
ذبيت حصرة بقهر
على ماضي راح ونتلف ويه الي راحو وتركوني
مثل شجرة بوسط صحراء كل عاصفة تتتخبط بيها ولا الثانية بس رغم كلشي راح اضل راسخة وقوية ومااسمح لكل أحد يكسرني ........
لفيت الصاية حيل واحس البرد فات بعظامي ومنا وجع ذكرياتي الي وجعت روحي وحركتها واني واكفة كدام بيت اهلي او گان بيت اهلي تخيلت أمي
