جموح_ انثى
بارت 17
للكاتبه داليا_ المسلم
................
نيران 💔
فرشت اليه هناء وكومتني نمت ... غطتني وضلت كاعدا يم راسي همست الها روحي نومي جهالج روحي
... فدوة نامي ولاتبقين تبجين كافي
... اي نعسانة من اكعد ابجي ههه روحي
كامت طفت الاضوية خلت وطلعت
يوم ويومين .. واسبوع كضيتها بس نوم
هناء اتفوت اشوفني تكعد يم راسي اضل تحجي وتحجي وتقنع اطلع من حالتي واني حتى ماافتح عيوني تالي دكوم تاخذ الجهال وتتركني ... وحدي لمياء تجي عليها تريدني اروح وياهم
كل خميس انسوي ... قراية ابيتنا لـ أُمي وعشة مااخطي باب الغرفة ولا اترك فراشي
ماا ريد اروح وهم مالكاها .... شسوي
رايحة اذا أُمـي مو باالـبـيت
كمت اهـرب من الـواقع وحزني التجئ للنوم
كل يوم اشوف أمي واكفة بالغرفة وتباوعلي
اكوم اروح احضنها تختفي
مرتين الثالثة ماتحركت من مكاني خفت تروح ومااشوفها اضل كاعدا وصافنة عليها احاجيها مترد هاا ماما اشونج متحجي ساكته تنزل دموعي واني عيني عليها هي من اشوفني ابجي تعكف وجها ودنك وتختفي اخير خميس صادف على الجمعة الاربعين مالتها
حضرت روحي ورحت ويه هناء للبيت
اول مادخلت كعدت بالطارمة ضليت اعيط
شبعت بجي ولطم ملخت نفسي حضنني
خواتي ودخلني جايبات البنات ملاية والجوارين
كلها ملتمة هاي الي تواسي
وهاي دكول يااا خطية وين راح تروح
الثانية ترد يم اختها الي ماخذا ابن خالها
يااا شكم دوب يتحملها
صفنت لكلماتها .. اي صح كم دوب يتحملوني ،، يعني وين اروح ،، وين ابقى
جبرني البنات اكوم ...اسوي وياهم الثواب ونسوي وأكل لباجر من نطلع للنجف
ثاني يوم طلعنا للنجف دموعي مابطلن مخلية راسي على .. كتف لمياء وهي .. حاضنتني
او ماصولنا،، للمقبرة نزلت بيدي .. مي الورد
والبخور صبرت روحي اشوية كل هذا واتمنى
الكاها كاعدا ومنتظرتني اول مااعبرت القبور
وصلت يم قبرها وشفت اسمها صدك ايست
منها ومن الدنيا كلها ذبيتهن من ايدي الغراض
وركضت الها تخيلتها واكفة وفاتحة ايدها اليه
تحضني تالي حضنت الطابوك وعطت وبجيت
وياريت الدموع ترجع الراحو
كان نذرت العيون الهم بس تذرف دموع
سحبتني عمة رشيدة وهناء شغلت قرآن
كعدت عمتي قدرية كامت تنعي وكلنا نبجي
لنعاها ساعة وخالو كال
... يلله ياب كومن هم ياله انغدي الناس
عيب ماتت من الجوع ونزور الامير يلله همن
.. سندت روحي على خواتي وبست قبرها
لاأمي ودعتها وطلعنا للامام زرنا وبالكوفة
صار الغده اني مااكلت شيء بس مي شربت
توسلن بيه كتلهن مااكدر والله اني من اطلع
مااكل شيء جلال يفتر فوك راسي كل اشوية
منطي عصير لو كيكة لهناء ويهمسلها وكليها
لاتوكع خطية وكليها
