جموح _ انثى
بارت 12 _
للكاتبه..داليا_ المسلم
صاحت أمي وراية وهي تلزم ايدي بقوة
رافضة اطلع لبيت خالي
،،، اكفي يمصخمة تردين تفضحين روحج
اكفييييي وتنبلين وتاليها توكع براسج
،، سحبت ايدي منها عوفينيييي أمي
وخرري مني تركتها وراية وطلعت اركض فتحت الباب
صار بوجهي عمو طارق وعمتي قدرية وبناته الاثنين وجهالهن داينزلون من سيارته
وكفت بمكاني بعد لابية ارجع ولا اروح
ضليت محتارة همست أمي يم اذاني
وهي تلزم كتفي
،، نيران يمة فدوة لطولج لاتعمين على
روحج يمة هما ولد مايتأثرون بس العيبة
تلطخ بيج حتى لو كنتي بريئة
سحبتني وطلعت لعمتي سلمت عليها
،، دفعت الباب قدورة من ايدي ودخلت
،، ها يمكموعة وين مولية
،، هلا عمة للمحل اريد اجيب غراض بس
اجيتو بعد دخلن وراها بنات عمي هنهَ
وجهالهن
فاطمة و حوراء رحبت بيهن ورحبت بعمي
دخلنا لجوا واني رحت للمطبخ غسلت وجهي
بلكي ابرد اشوية وخليت القوري وذبيت عباتي حضرت الهم الجاي دااكص بالكيكة وارتب الاستكاين دخلن حوراء وفطومة كعدن يمي باالمطبخ
باركتلي فاطمة
،، اشونج نيران مبروك النجاح اعذرينا
ماجيناج حبيبة
،،، درتي جسمي عليها وبتسمت
لا حبي عادي جية عمة رشيدة كافي
ماقصرت شلت الصينية وقدمت الهن الجاي والكيك اجوي الجهال هم صبيت الهم كعدو بالكاع ورحت وديت لعمو ولعمة ورجعت يم البنات
ضلينا نحجي كلام متفرق مو شيء معين
سويت غده وماما جلبت بيهم اتغدو يمنه
للعصر راحو
كل الايام الي اجت أني التزمت السكوت
حتى ويه ماما ماعندي كلام خلت موقف
كلش جبير بيناتنا بسكوتها ودفاعها
الـ خـالـي
غم هي ماحاولت بكل الطرق تصالحني
ويه خالي بس أني ابد
من اجانة عمي كل اشوية اريد اروح اكولة
واذكر كلام أمي تنلطخين العيب يصير بيج حتى لو بريئة وبيومها تراجعت ماخبرت عمي ماادري أني هم حسيت راح اعم على روحي بيت خالي مالتقيت بيهم بعد ولا خالي دخل النا
بيوم مقداد اجه هو وعائلته علينا
طلعت ماما فتحت الباب كنت انضف بالبيت
كل خميس اسوي حملة عليه حتى لو ماعدنا
احد كان وقت عصر كعدت اكمل
دخلو جهال لمياء يتراكضون اني بساع
سحبت ربطة امي وخليتها استر شعري
اخذت تحلايا ماما مسوية بقلاوة بيدها
ورحت للهول يمهم وزعت الاماعين وكعدت جنب لمياء شفت فايل بيدها
خير شعندج معاملة ؟
،، لا ولج مو معاملة بس هاي اوراق التقديم قدمت سادس اكمل مسائي ومقداد شجعني
