جموح انثى
بارت 35
للكاتبه داليا المسلم
......................
...نيران
خلصت الثامن ودخلت بشهري والدكتورة
كالتي بيج ومتتمشين كل يوم العصر
يـاخذني حاتم
يم بستان بيت خالـه ولد خاله كلهم يجون
مرات نسوانهم وياهم يكعدون عود يسوون
النا واهس
كنا نمشي أني وحاتم ومحمد ابن خاله
وزوجته حاتم لازم ايدي فحطت من المشي على طول الشارع وهو يضحك عليه
... غير تمشي الدعبلة ولج فحطت هسه
بله محمد لو حامل جان جاب قبلج من كثر
ما مشينا
ضحك محمد وعاط على حاتم
... لا يول مو جبت قبلك تره من وره هاي البر.... هم اخذتها تتمشه وشكتني شك
تاليها عوشرت مثل البعير وشكو بطنها
وجابتلي عود ولد انوب راسه شكبره ويرتل
مرته نبت عليه
... اي والله شحلاتني نمت وكعدت ابني
بسدي ويوقوق
... ندست حاتم خوش هاي هيه دخل نرجع
واجيب عملية فدوة مابية بعد امشي تعبت
والتاسع راح يخلص حباب
... نيران تمشين لا اذبج بالمشروع واخليج
توصلين لسامراء سبح امشي امشي تريد
عملية البطرانة
... ضل يسحب بيه فحطت وهو فحط
ساعتين ورجعنا للبيت ذبيت روحي زروك
بالفراش تعبانة ورفعت رجلية على المخاد
راح سبح هو ورجع شغل الصوبة كان
شهر الثالث وبارده عفية حاتم رجليه موتني
اخاف صار زلال بيه كعد يمي ينشف شعره
... لا ياب من ثكل بطنج مابيج شيء باجر انروح لبغداد ادري شنو وجع شيء مصار عندج
.. انداريت نمت صفح وخليت ايدي جوا خدي
لا ماكو كلشي اصلاً بس جوعانه واريد اكل ضل يباوعلي صفح كام وهو يهز بيده
... صدك تحجين ولج رجلي توجعني من
المشي وأنتي كلش ماكو لااا يرادلج رياضة
غير شكل
... عرفته شيقصد ضحكت ابد لو توذن ما العبها رياضتك ميخالف حبيبي اجيب وترتاح ان شاءالله ضل يضحك ويغمز
... غصب عنج انتضريني مو تنامين
... بدل وطلع للمختبر واني نمت ماكعدت
للمغرب عمة دكت الباب
نيران يوُم كومي تعاي تعشي دنيا غروب
مايصلح
... تململت واني دفيانة بس عصافير بطني
كومني اي عمة اجيت كمت لبست شالي
وطلعت اتعشة عمو جايبلي ببسي لان كل
يوم ايصير عندي جالي كعدت تعشيت وعمو
سالني
... هاا ياب ما كو ولادة منا منا
... لا عمو كلشي ماكو وداعتك ولا حباية
وجع
