جموح انثى
بارت 32
للكاتبه داليا المسلم
....................
وكف حاتم فتح الضوه حجه بفزع
... شكو ياب نيران ليش تعيطين
... غطيت وجهي بكفوف ايدي وبجيت أمـي حاتم أمي هم عافتني وراحت
إجه كعد يمي راد يحضني دفعت ايده وزحفـت يـم الكنتور ثنيت رجلية حنيت ضهري وبكفوف ايدي غطيت وجهي وضليت ابجي داحـس الحـلـم حقيقة مو كذب هيانها هنا كانت يمي وتوها طلعت احجي واشر على الباب كام إجه يمي
... كومي تعاي ياب لاتبجين ترحميلها حلمانا إنـتي ابوية كومي
.... كمت وياه رجعني لفراشي بس على الجرباية خلاني بحضنه وضل يمشط بشعري بصابيعة ويحجي وياية بهدوء كتم نفسه ثواني واطلقة على شكل تنهيده
... كافي تبجين ياعيني نامي هذا حلم
مو حقيقة وبعده تأثيره بيج
... ابتعدت عنه ونطيته ظهري ورجعت نمت
وكل اشوية اشهك مثل الطفل من افتح عيني اصير على الباب اتخيلها من طلعت وما
عارتلي اهتمام رغم توسلي بيها نمت ودمعتي بعيني حسيت الحلم حقيقة مو جذب والله مو جذب داحس ريحتها بيه ضل حاتم يمسح
على ضهري بحنية منا لما نمت
ثاي يوم ضليت اشتغل وافتر بفتور قاتل
احس روحي ذايبة وحياتي مالها كل معنى والحلم ابالي كل اشوية اروح وره البيت ابجي وامسح دموعي وارجع اكـمل شغلي مااريد عمة تشوفني استـحـي ابجي كدامها وماريد احجيلها
كملت البيت وهي بس خليتها تسوي الغده
خطية صايمة طلعت اغسـل الحوش وخلصت
دخلت سبحت وصليت نزلت انتضرهم يجون
اغديهم عمة شافتني ساكته وصافنة سالتني
... هاا يـُم نيران اليوم ذابتها صامت خوما
بيج شيء مريضة عيني يوجعج شيء !!!
... لا عمة مابية روحي نامي أني اكمل
الباقي تعبتي ادنت يمي ولزمت كتفي رفعت راسي اباوع الها
... خوما حاتم ضربج انوب !!
... لا والله عمة مابية اي شيء ،
... الله يريج يا يـُم بجاه هاي الايام المباركة
... دنكت وكلتلها امين عمة ربي يخليج النا
مسحت على راسي وراحت لغرفتها،
ضليت على كعدتي صافنة هدوء قاتل بداخلي شسوي هسه لو عندي طفل مو التهي بيه ليش
هذا هيج مايقبل انسوي ليش هو اليزوج شينتضر بعد والله حيرني هل الحاتم ساعة
حنين ساعة احسة موطايقني افففف انفتح باب المطبخ ودخل عمو بيده المسواك كمت اخذتهن منه
... الله يساعدك عمو
... هلا ياب الولد اجـوي لا
... لا بعدهم
.. عمتج وين
... راحت نامت صايمة
.. خوش جايين جماعة على الغده عندي
كعده فصل ياب نيران حضريلي هدومي بين
مااصلي
