جموح انثى
بارت 19
للكاتبه داليا_ المسلم
..............
نيران
دخلت للغرفة وقفلت الباب احس وجهي كام يطلع منه نار من الفشلة ضليت افتر بالغرفة واهفي على وجهي ياارربي حقير حقير اشون عصر ايدي كفيت ردن البلوز مالتي وشفتها لا مابيها شيء قابل شنو قبضة حديد شكو نيران
سمعت صوت مشي لزكت اذني يم الباب يمكن هو نزل اي بس ماطلع لان الباب مانفتح رجعت كعدت انتضر جية عمو صار اذان الضهر وسمعت صوت عمو فات صاح عليه كمت
لبست روبي وعدلت شالي وطلعت للمطبخ
عمو واكف يشرب مي
الله يساعدك عمو ذب الكلاص من ايده
... ويساعدج ياب شنو عمتج ماردت
... لا والله يجوز يتاخرون للعصر يجون
.. اي اكيد يتأخر ماطول لساهن راح اجدد واصلي بين متحضرين الغده مسوية مو
... اي عمو مكملته عمة راح اصب
،، ياب هاي علاكة على الكاونتر نمنميات
جبتهن بس الج خليهن بغرفتج
... ابتسمت بوجه شكراً عمو مسح على
راسي وراح للحمام يتجدد رحت حضرت
الاكل وصبيت خليته بالمطبخ فتحت العلاكة
خطية ممخلي شيء مجايبة شلتها وذبيتها
فوگ الثلاجة رحت للهول كاعد عمو مكمل
صلاة وحاتم ماكو
كوم تغده عمو لف السجادة وكام
.. شنو ثويمر مراح للمحل
... هاا ماعرف عمو ماشفته
... يجوز نايم الله يطيح صبغة والمحل عايفة بيد العمال
... وكف يم الدرج وصاح على ثامر اشوية
ومد راسه
... ها ياب صباح الخير
... وذن العصر ياصبح هذا من عاب لهلوجه المزنجر صار العصر شوكت تولي للمحل دوني عايفة بيد العمال بدل وانزل اتغده وروح يله امشي بساع
... صار يابة صار
... هز ايده عمو ماعاجبة ويحجي على ثامر
... مطلعي صدرة ونايم جنة قمجي خطاف الارواح ادري الي يشبع نوم يتفح يصير أبيض
شو هذا كل ماجاله يحترك
... ضليت اضحك على سوالف عمو وهو ضحك
... اي اضحكي بربج مو اجلح
.. لا خطية عمو ينقهر بس هو اسمر بزراك
... ماقصرتي هههه نفس الشي اكعدي اكعدي
.. كعدنا نتغده ونزل ثامر غاسل ومبدل كعدت ياكل
... شنو اخوك مارجع
.. لا اجه مدري شنو ناسي اخذه وطلع هسه
على جية
... كملت أني قبلهم وكمت صاحني ثامر
... جاي جاي نيران سويلي عفية
... صار خليت القوري على الطباخ انفتح
باب المطبخ وفات حاتم سلم
... السلام عليكم
... باوعت عليه خزرني ونزع مداسه اجه غسل
ايده وكعد يتغده
