جموح , انثى
بارت ,28
للكاتبه داليا , الـمسلم
..............
نـيـران
... هو شافني هيج سويت رفع حاجبة وفتح عيونه على وسعهن ابتسم بستهزاء ينتضرني شراح اسـوي
...اي بله شسوين ست قندرة
.. مو اني القندرة فهمتتتت رفعت الماسحة
ونزلتها بكل قوتي عليه ولطـختها بالـكاع بصفة
هو رجع ليورى وخزرني
... وثولللل اشبيج
... شكو إنته الي اشبيك صرصور راد يصعد على ملابسك مـوزيـن نـقـذتـك شفت عـمـو
يصيح على عمة يريد ملابسة دايروح للمجمع ذبيت الماسحة بالكاع ايي خلي اوصي ايجيبلي غراض ردت اروح سحبني من ايدي انلطخت بصدرة
خـزرنـي وكال
... وأنـي شـنو مو بعينج وتوصين ابوية
... لا بعيني عمي بس شسوي ماعندي احـد
غير عمو مايزاعلني ولايعيفني وحدي
... لاتحجين هيج نيران يعني اني حسبالج
ماضايج بس انتي تصرفاتج وحده ارعن من الثانية راح اتأخر خلي اروح من ارجع نحجي
... خليت ايدي على صدرة وبسته من ركبته
وطولت بيها وشميت نحره همست لا منحجي بعد خلاص اني غلطانة ما اسويها بعد والله
فوت اصابيعة بشعري من جوا الحجاب
وقرب وجهي اله باسني وخر دفعني بخفة
.. فوتي جوا لااحـد يطلع للسطح ويشوفج
.. اي عفته ودخلت وكل اشوية التفت اله
هو ضحك وهز راسه وطلع دخلت
اول ما طـلع عمو وثامر اتوسلت بعمة نطلع للسوك فدوة عمة خابري حاتم قنعي
... دجيبي التيلفون
... كمت انطيته الها خابرتها
كعدت يمها وخليت اذني على السماعة
وهي تدفع بيه وتضـحك جاوبها
اسمعة ايكلها
.. هاا يمة كولي
.. حبيبي داريد اخذ نيران للسوك والله مانبطي
هنا لهاذا المجمع الي بالحي ربع ساعة من ونرجع
... يمة شنو يعني مجبورة هسه تروح شـكو
شعدها
... فدوة لكلبك لاتفشلني
... خلي تلبس جواريب وعباه
كمت وكفت واشرلها كوليها ماعدها بس عباه
اسلامي تباعولي وتهز براسها
... يمة ماعدها عباه بس اسلامي وعباتي كصيرة عليها
... ماكو طلعة خلي تكعد وتسكت
... لالا راح البس خلاص كالتله عمة
.. راح تلبس
رد عليها
.. زين هسه الساعـة اربعة ونص بالخمسة
انتن بالبيت دقيقة زايده متلوم غـير روحـها
... اي ان شاءالله
... سدته منه
... يله بساع لاتبطين كال الجن نص
ساعـة
... صار صعدت طايرة فـوك لبست على السريع ونزلت اخذت عباه من عمة وطلعنا
للسوك صعدنا بالفورت ذبنا يم قاهر الاسعار
دخلنا رحت على قسم ملابس النوم اخذت
