#جموح_انثى
بارت 30
الكاتبة داليا المسلم
..............
.....نيران
... مافتهمت شنو معنى الي كاله اشرتله متولي لعمو روححح والله ياالله وأني شنو ضليت اهز بيدي واسب والعن بيه الله يلعنك حشة تكون
بشر انته حيوان التهيت اكمل شغلي سمعت عمو صاح بأسمي غسلت ايدي ورحت اركض عليه دخلت للهول شفت
عمو حاني ضهرة ولازم كصته خفت لابيه
شيء وثـامـر كاعد يمة وضحكة خبيثة على ثغرة
عمـتي ساكته وصـافنـة حجيت بصوت ناصي
نعم عمو صحتني رفع راسه عـيونه صايرات دم
احسه كوه ضابط اعصابة موجرر نار اشرلي اكعد
... تعاي بابا اكعدي
... كعدت وعيني تفتر عليهم حسيت روحي
مجرمة وبقفص الاتهام بلا ذنب لميت ثوبي وضليت اعصر بيه من الارتباك سألني عمو
... نيران ياب هم داك عليج رقم غريب متصل
بيج يعني أنتي حاجية وياه حسبالج بنية !!
... استغربت من سؤاله وجاوبته لا عـمو محد داك عليه
... زين يعني هم فديوم لاعبة بجهاز زوجج
او جهاز ثامر !!!!!
... استغربت من سؤاله ضليت صافنه ماعرف شيعني لا لا عمو حاتم مخلي قفل لجهازة وثامر لاابد مالي شغل بيه اي شيء
ميخصني ماالـمس خصوصياته
... مـااعرف اشـون اوصلها بس شوفي يابة نيران اني مستحيل اشك بيج بس خلي اطلع الحية من الزاغور ونشوف شنو اساس هذا الحجي ثامر يكول نيران عدها علاقة ويه صديـقـي
... قبل لا يكمل عمو كلامـة انتفضت بغضب
وكفت وعطت شـنووووووو شدايخربط هذا
انـداريت لثامر انت شنو من بشر شنوووووو
لك أنـي عرضك علىٰ صوتي العالـي فات
حـاتـم عاط بيه
.... هوووو شكو ولـج ليش صوتج عالي رعنة
.. ما جاوبته حسيت هاي هي نهايتي قربت
لان اعـرف بحاتم خبل ومايتفاهم عـمو كاله
... اسكتو واكعدو خـلي نحجي ونشوف الصدك
من الكذب اندار لعمو وقطب حواجبه بسؤال
... شكو يابة شسوت نـيران
.. اكعد يابة دكعد
... رجعنا كعدنا وعمو كال لثامر
احجي الي عندك
ثامـر فتح نقال وطلع صور عـيون وشفايف ورواهن لحاتم اخذ الجهاز من ثامر وقرأ
المحادثة ومركز بالصور اخير شيء شمر الجهاز على الطبلية
... اي شنو هاي ! ونيران شلها دخـل ؟ مافهمت
ابتسم ثامر بوجهي بخبث وجاوب حاتم
... هذا صديقي مراسلاته ويـه نيران
... اي وشنو الإثبات بله
... قـبل كم يوم كاعد يمة وخابرته صديقته
فتح اسبيكر أنـي كنت كاعد يمة صوتها ناعم مثل صوت نيران وسمعتها دكله كنت مـريضة
ورحت ويه زوجـي للدكتورة وطلع عندي التهاب
