جموح انثى
بارت 36
للكاتبه داليا المسلم
............................
نيران &حاتم
كاعدين نتعلل وكرم يزحف بالنص وعمو ايشرله بتيلفونه تعال عليه فرحان بيه لان زحف وثامر يعيط عليه ايريده يجي ودانضحك عليهم
فات حاتم سلم علينه وعينه عليه
_ السلام عليكم
راح لكرم شاله وضل يبوس بيه شعنده
هذا السيبندي لساه سهران ¡¡¡
عمة جاوبته
_يا صلِ على النبي غير دايزحف وفرحانين
بيه وكفه يخطي هم شوفه حاتم
_ اللهم صل على محمد واله محمد مبروك
يوُم من زحف الفرحة بس الج
_ اي اشون لعد فرحتي ماانطيها لاحد
اندار عليه
_ كومي سوي عشه تره خربان من الجوع
_ عوجت حلكي وكمت شنو غير مزاعلين
شكو يصخرني كمت رحت سويتله هو بدل
وراح يمهم بالهول خليت الاكل كدامه وكعدت يم عمـة
ثـامر كاله
_ حاتم ياب الكاع اتبيعاها تره خوش شراية
جايين اليوم رادو نفس مواصفاتها وبسعر مغري
رد عليه وهو ياكل
_ لا يابة ليش ابيعها اصلاً أني نـاوي ابنيها
ان شاءالله على كيفي
اني استغربت ولامرة كايلي مشتري كاع ضليت ساكته واستمعلهم يمتى أشترى وشراح يطلع عنده بعد عمة شافت كرم يغفي كالت
_ كومي نومي نيران يوُم نعس خطية
_ اي عمة كمت واني عيني عليه هو سكت ماجاب طاريها بعد اخذت ابني انومه هو بقى
كاعد يمهم بدلت لكرم ورضعته اشوية
وفات حـاتم ذب ملابسة ومدد على فراشة
اني كاعده بالكاع وبحضني كرم داهزه
ينام ضليت عيني عليه اندار ويلعب بجهازه
_ ضليت الولي لكرم دلولووول دللووول
يمة يبزر الشايب متعجبة بيه كل الحبايب
دللول يبز الشايب اخخ يلومني الحبايب
ماخذا الشايب دلللول
رفع راسه وضحك ضحكة طويله كالي
_ اخخخخ يمرت الشايب لو بس تكعدين
تره الشايب دايحوس عليج
_ عشتووو شايب وبيك بلا ضل يضحك
ورجع يكنك بتيلفونه
_ حاتم حاتم
ردلي وباله مو يمي
_ هاا شكو !!!
_ اكولك أني عندي فكره
_ اي اتفضلي اطربينا
_ احنا ليش منسوي خشبة حاجز بيناتنا
نخليها على الجرباية كـمت ذبيت كرم بفراشه
ورحت يمه اندار عليه وذب جهازه على الميز
_ اي وبعد !!!!
_ اي لازم انسوي فاصل بيناتنا يعني
هسه أني ماريدك ولا اريد انام بصفك اشون
ولا اقبل نتراضة اليوم الحقد عليك واصل
مرحلة كلش صعبة عندي
