جموح_ انثى
بارت 20
للكاتبه داليا _ المسلم
..................
نيران
كنت كاعدا وحدي وصافنة على حياطين الغرفة
انتضر جية عماتي لان راحن يشترن الذهب
قبل لا يطلعون
،،، ندستني قدرية
كومي ويانا اخذي الذهب على ذوقج
تحجي وهي تلف ابفوطتها وعمة رشيده كاعدا
على الكرسي مخليه عباتها بحضنها تنتظرها تخلص
،،، حسيت بدورا كبير رفعت راسي الظاهر
اثر الشهرية يسببلي هبوط اشرتلها بيدي
مااروح تعبانة بطني هبط ضغطي
،،، ياا راح اسويلج اعشاب قبل لا نروح
اصبري قدرية اكعدي اشوية
... راحت عمة رشيدة ودقايق ورجعتلي بيدها كوب من الاعشاب ورد ماوي وبابنك وبعد ماعرف شنو بيها خلته كدامي
... يله اشربي وضلي نايمة ادفي مانبطي
ساعة ونرجع
،،، اخذت الكوب شربت وخليته كدامي اثنينهن طلعن وغلقن الباب وراهن
اصلاً اتحججت لان ما ريد اروح وياهم
مو مهم عندي شيردن يشترن خليهن على مرامهن ماعندي لهفة لااي شيء كعدت
وسحبت السلة مال ملابسي طلعت تيلفوني الي تفصخ والله بطل هل الصرصور لحد الان مقاوم لزمته وشكلته كمت خليته على الشحن
اشتاقيت لخواتي كلت بلكي يتصلن بيه ضليت بالغرفة ماطلعت ولا شفتهم شيردون وهما محد صاحني بس شحن فتحتة واجتني
الرسايل تركع من البنات من الشركة يخبرني
كم مرة متصلات عليه اشوية ودكت عليه لمياء ضليت
اباوع لرقمها خلص الدكة ورجعت هم دكت انطيته رفض ورجعت اتصلت هم رفضته بعد ماخابرتني هناء هم دكت عليه انطيتها رفض
اي مثل ماتركتني أني هم ماريد بعد احد مارريدكم عفتوني وحدي ذبيته جوا المخده
ماعرف اشبيه اشتاقلهن وماريدهن شهل الاحساس المتناقض العندي كمت طلعت
ماكو احد البيت هدوء
صبيت أكل اليه ورجعت للمهجع مالي اكلت وشربت مي طلعت غسلت ورجعت ونمت احس مابية طاقة ولا خلك لشيء إلياس محاوطني من كل الجهات
غفيت وكعدت ماعرف شگد مر وقت انفتح
الباب وفاتن عماتي ذبن عبيهن وكعدن تعبانات
... هاي شنو مو كتلج بعد لاتنامين راح تتمرضين من النوم
... درت وجهي من قدرية ونمت على ضهري
وعيوني متعلكة بالسكف نعسانة عمة عوفيني
... دكومي شوفي الذهب حلو لا يعجبج لا
... إنتي عجبج ؟
.. اي ايخبل دشوفي كله اني اختاريته الج
احلى شيء عند الصايغ والله
