جموح , انثى
بارت , 23
للكاتبه داليا_ المسلم
................
نيران دخل حاتم وصاح بيه صوته الجهوري وهو معصب
... ولج اشون اني بيج كم مرة منبهج
تغطين راسج يلله اطلعين للمهجوم للحوش
ترى انتن بنص الشارع حتى صوتجن
مسموع فووتي
.. جاوبته واني اريد ادخل ،
نسيته والله توني كنت لابسته عفته ودخلت
للغرفة اطارد هو لحكني وصوته وراية
... تعاي تعاي عود شنو خايفة
.. اي اجيت اشبيك طفيت الاوتي لان
نسيته مشتغل وطلعت وكفت كدامة مثل الطفل الي ينتضر العقاب ماصدر منه اي شيء بس اكتفه ياشرلي اصعد
،، امشي اصعدي جيبي مفتاح المختبر
نسيته فوك ،
.. اي صعدت كدامة للغرفة وهو صعد وراية ويصوفر خلاني اضحك انداريت عليه
... هووو شنو متستحي اسوي هيج
ضل يضحك
.. حلالي ياب حلالي وبيحلالي امتع نضري
.. طالعة عينك دخل وراية للغرفة وسد الباب
اجه يمي وطلع باكيت من جيبه
... هاج
.. جاوبته بستغراب شنو هاذا ؟
.. حبوب منع الحمل
.. خلاهن بيدي ضلت عيني بعينة نكمشت ملامحي متألمة من طريقته يعني لهدرجة كارهني لو ماخذني جسد يتمتع بيه
وبس هو ضل واكف يباوعلي اخذته منه
( جاوبته وحسيت وصوتي ارتعش بقهر )
اي زين اسوي أني هم ردت اكولك
وخفت تفهمني غلط الحمدلله طلعت
منك وهم بعد وكت مو على الاطفال
.. مسح على شواربة ولحيته بتوتر دنك ورجع رفع راسه وجاوبني
اي نلحك خلي ناجلها هسه ليش أنتي
هم متردين مني لا اقصد يعني متفقين
خلاص بس ماريد احد يعرف نيران ممنوع تحجين
... واذا سالوني عمة عمو عمة قدرية الي
تنشرني على الحبل على ابو عاقر
.. مالج شغل أني احجي وياهم وعمتج
قدرية ماتجي اشو صايرة بالسنة حسنه
نشوفها مالج شغل كلهم عليه
... لهدرجة !!!
.. لا موقصة لهل الدرجة بس ماريد احد
يلومج خاطر يسكتون عنج
.. ابتعدت عنة ورحت طلعت المفاتيح نطيتهن
اله اخذهن وسحب ايدي حاضني
خله خشمة بركبتي وباسني بلطف
.. تردين اجيبلج شيء وياية
.. ابتعدت من حضنة همممم تؤ ماريد شيء
.. يله رايح
.. طلع وتركني كعدت على الجرباية صامته نزلت راسي وبيدي الحبوب صافنة عليهن يمكن حتى لو ردت اتاقلم وياك بعد هذا ابد حاتم يعني هو شنو يفكر على ساعة يتركني وبساعتها ماكو شيء يربطنا
ذبيته على الميز ونزلت واحس .. خذلان صابني واحباط استحوذ على تفكيري هاي اول شهرين واول شيء موجع اتلقا منك شراح اشوفني اكرهههك حقير من يومك انت حقير شجابني
عليك
