جموح انثى
بارت 34
للكاتبه داليا المسلم
............................
نيران
بعد ماباركلي عمو ضل طول الكعدة يضحك ويحمد الله كل اشوية يمسح وجه ويتحمد ربه
كال لحاتم
.. ولك هاي احسن عـيدية انطيتوها اليه
بلله العظيم
عمو ابو مختار كان ياكل بقلاوة وكاله
والله ياطارق بـس حاتم يفتهم بينا ما خلف
من اول زواجة وكومهم فوك راسه اقلها شبع ونسه التفت لحاتم شوف عمي قسماً بلله تره الكثرة بهذا زمانه كل خير مابيها كل ماجالك قلص بالخلفة احسلك
وحاتم بس يبتسم تخيلته عروس ومستحية
ماخجلت بكده
حاتم كاله :- اي والله عمي هو واحد ربي
تربية صحيحة واتعب عليه احسن من كثرة
بلا فايده
خلوني افورر من حجيهم هسه من اشيل
دولكة المي واهف عمي ابو مختار احد يكلي ليش لعد هو كدرته علينا اوولده كل واحد
عنده فيلق مال جيش قلص بالخلفة هاي اشون نضربهم لاستيك لو شنو !!!
خلي اكوم اصعد احسن ما اسويلي كارثة
وأني اكول قدرية عليمن طالعة غثيثة
تركتهم وصعدت فوك ثامر توا طالع من الحمام من شافني وكف اني ماهتميت اله
ردت افوت للغرفة هو استوقفني
... مبروك نيران سمعت من هلهلت أمي
يتربة بعزكم
... الله يسلم مشكور تركته ودخلت لغرفتي
وسديت الباب بوجه ذبيت شالي ورتبت الغرفة طلعت الشموع وشغلتهن وعطرت الغرفة عندي ام بي ثري اخذته من حنة من اجـوي برمضان شكلته
على السماعة وطلعت اغنية هادئه وطفيت الاضوية صار بس ضوه الشموع اخذت ملابس ودخلت للحمام سبحت وطلعت لكيت حاتم كاعد بالغرفة
نازع ملابسة باقي بس بالشورت ودايحجي
وية زياد ذبيت الخاولي وضليت انشف
بشعري ادحك عليه هو وراية معكوسة صورته بالمرايـة
تواعدو يطلعون للكوفي يعني مـاتعبت والله
يالله شمرت المنشفة ونزعت ثوبي هو من
شافني كاله
.. اي اي زياد لالا مااكدر اطلع تعبان
والله على باجر يمعود لاتلح اي اي دولي
.. يحجي ويباوع عليه ذبيت الاتك وكلشي
هو وكف وضل يحجي وعينه عليه فتحت
الكنتور طلعت برمودة كلها اشرطة تنشد على
الرجلين مثل المشبك وكيمونتها شريط بس
ينشد من وره وعلى الركبة شديتهن وشغلت الشسوار سويت
شعري هو قفل الجهاز وكعد يضل يتأملني
ساكت خليت مكياج اووفر ورشيت عطر
لبست الحجل بي صوت خرخشة ضليت
اهز برجلي وحاتم يباوع ويضحك عليه
طلعت ماعون فواكه من الثلاجة ورحت كعدت
