جموح انثى
بارت 48
للكاتبه داليا المسلم
...... ........ ........
نيران & حاتم
وصلنا للبيت نزلت من السيارة لطخت الباب حيل وهو اشعوط ضل ايدردم وراية دخلت للبيت رحت لغرفتي ذبيت عباتي وشالي مختنكة وهو منا ومنا الدوخة
فات وبيدة علاكة الدوه ذبها على الميز
واجه سحبني من ايدي وكعدني على الجرباية
طلع الكانونة وشكلها اليه اني ضليت اعيط اذاني
حيل بجيت من الوجع هو ضل يمسح دموعي بعدت رراسي على غير جهة منه ماريد منك شفقة بس
حجيتها بداخلي اما وياه لا التزمت الصمت ضل يتاففف ساكت ويفرك بيدي شكلي المغذي وضرب بيه ابره وكرم يكمز على الجرباية حيل يلعب ويصيح
_ هي هي ماما ضربت ابره وتبجي
حاتم كالة
_ لا حبيبي باباتي ماما مريضة روح يم بيبي وهسه
اخذك اشتريلك يله
ايأشر لاابو باصبعة
_ صدك تاخذني صدك !!!!
_ اي صدك يله باباتي روح خطية ماما مريضة
_ طلع كرم وسد الباب وراه كالي
_ نامي يابة لان ايطول يله يخلص خليته الج على
البطيئ بيه علاج مددي
_ اني هم نمت ضل كاعد يمي واني نايمة وساكته
كل اشوية ايدير وجهة عليه ويرجع يدنك ويفرك كصته
ويجر نفس متضايق وعينة على المغذي
_ غمضت عيوني اريد ارتاح تعبت من شد الاعصاب
هسه أني هم مدري اشوني على شنو مقهورة
وشايلتله هم ضليت مغمضة مرت ربع ساعة
واثنينه ساكتين أني امثل النوم وهو بس صوت نفسه
مسموع حسيت باانفاس تضرب بوجهي باسني من
شفتي على كيفة حسبالة نايمة وخر واتلمس خدي الي ضربني عليه ورجع باسة تحركت وهو ابتعد مني درت
نفسي على الجهة الثانية هو عدل المغذي وكام طلع نزلت دمعتي هسه غير ابطل واسكت امداج نيران ولا تسامحي بعد ابد يولي حقير ميستاهل حتى افكر بيه
اصبرلي اذا ما احكرك ياحكير
ضليت نايمة مخلص المغذي وحاتم موخرة مني وأني
ما ادري نايمة كعدت جوعانة كمت طلعت غسلت
عمو شافني اشرلي اروحله كلهم كاعدين بالصالة
_ تعاي يابة نيران شجاج عمي خابرتني عمتج
وكالتلي اكلي عمي وقوي روحج
_ ان شاء الله عمو رحت للمطبخ عمة لحكتني
_ تعاي هذا بالطباخ معلاك جابلج حاتم وضميته
و جابلج عنب اسود وزبيب مال شربت خليتهن بثلاجتج
_ اتركي عمة اني اطلعة
_ يله اكلي يوم ضبي كلبج
تركتني وطلعت
فتحت الطباخ طلعته وحميته وكعدت اتعشة فات ثامر
من شفته دنكت اكمل اكلي ايولي لا احجي وياه
بعد ولا الي شغل بيهم مو بشر بلاوي ذولة مالي خلكهم
