#جموح انثى
بارت 38
للكاتبه داليا المسلم
ثم انك نزعت الحُب الذي بدأ ينمو بقلبي لك ، بنفسك وبرغبتك وعدت غريب وكأنك لم تكُن... كالغرباء بلا أوطان هكذا التقينا من جديد
""""""""„„„„„ """"""""„„„„„""""""""
طلع وطبك الباب صدك حسيت روحي بصحراء
جرداء والعواصف تتخبط بيه من كـل جها
كعدت بالكاع وسكتت ابني احس راسي
راح ينفجر كااافي تعبت والله كل يوم تجيني
ضربة تعبت شراح اشوف منك بعد يازمن
يحجي بكل حقارة يعني ثمن زواجي هو
ورثي خوش يعني اشتريته لو اشتراني
منو الخسران ومنو الربحان لو اثنينا خسرنا
اي هو خسر نفسه واني خسرت حياة كاملة
عمر كامل
خليت ايدي على وجهي وبجيت من كل وجع
بكلبي ياربي تعبت والله ميخالف لو لو
محاجيني كايلي يعني نظرته دايكلي إنتي لاشيء مجرد صفقة وحققت بيها حلمي
دفعت كرم بالكاع وعطت اكرررهج يمة اكررهج
ليش ليش عفتيني ليششششش اكرررهج حتى بعد ماابجي عليج ابد ضليت امسح بعيوني
حيل حيل ملخت وجهي فاتت عمك تركض على صوت كرم يبجي بصوت عالي دنكت شالته
_ اسم الله يوُم شجاج شكو حاتم ضربج !!
_ دنكت راسي ودرت وجهي منها حجيت
بصوت ناصي لا محد بس أنـي تخبلت
اجتني الحالة
_ اسم الله يمة اشبيج عيني إنتي
_ مابية عمة عوفيني كل الناس لابسين
اقنعة كل واحد عندة الف وجه الكل
جذابين
_ يااا اسم الله يمة نيران شهل الحجي يوم
_ كمت رحت كعدت وره الجرباية وضليت
ابجي عمة عوفيني اخذي ابنكم واطلعي
زين هاي الصفقة طلعت منها بولد بس منو يكول يطلع اليه منووووو منووووو
اخذت كرم وطلعت من الغرفة ضليت كاعدا
وحدي وابجي حقير نذل تتونس وتتواعد
بفلوسي وأني خانكني خنك موتتني كرهتني
بروحي وكرهت أمي والوكت الي ذبني عليه
وكرهت حتى يوم ولادتي شنو الحكمة من
خلقي شنووووووو مرت ساعتين وأني على كعدتي الؤم بروحي سحبت تيلفوني وخابرت هناء جاوبتني
_ هلا نيران حبيبتي اشونج
_ هناء من اخذتو حصصكم تدرين بورثي
وين وعد منو
_ هااا شسمة غير عد عمي طارق بقه ليش
صاير شيء
_ هاا يعني ماتعرفين وينها موو ليش ما
ساندتني واخذتلي مشتمل واكعد بيه ليش اول
ماكالو يتقسم كلشي رضيتن وسكتتن لييش
بساع تخليتن عني ليش !!!!!
_ شكو نيران منو وياج !!
_ الدنيا وياية طيحت حظي بعد شتردين
