جموح _ انثئ
بارت 8
للكاتبه داليا _ المسلم
مرت الايام نفسها امتحانات دراسة تعب
ارق لان شارفت السنه الدراسية على
الانتهاء ضليت منهمكة بالدراسه كامت ماما
توديني يم بثينه ادرس اصريت عليها هي توديني وترجعني ورفضت رفض قاطع
اي توصيلة من جلال باأيام الي يجي بيهن
لبيتهم وهو هم مو مثل قبل اسمع ماما تتصل بيه تتوسل يالله يجي عليها اشوفه
اني ادخل غرفتي ما اطلع منا لما يروح كل وقتي صبيته بدارستي ماطلع لااي احد بس بيوم الي يجون خواتي لا عندي عيد لو الجيران يجون يضربون ابر يمي
طلعت لماما اريد ملابس ترى كلهن زغرن
وخصوصاً هسه راح ندخل للصيف وتراكاتي صايرات خرك من الغسل العام
،، حضري روحج والعصر ياخذنا
طلال للسوك وهم اشتري فرد نوب لعرس
بت عمج بدلة كوستم
،، صدك تحجين ماما ياكوستم راح زمنه الكوستم ترى
،، يوو شدراني اشتري الي تردي وفضيني
،،، بدلت لبست نفنوف كابوي ومكياج
بناتي خفيف ورتبت شالي وطلعت أني وماما كان طلال بالسيارة وعمتي وياه جايب سيارة ابن عمه صعدت اني وماما ليورى
وهو كل اشوية يباوعلي بالمراية ماهتميت اله
وصلنا لبلد لان محلاتها احلى مالت الملابس
وبيها كم مجمع البسة نسائي
ضلينا نفتر فوك الساعتين كلشي ماعجبني
اخير شيء عاط طلال
اني اكبر مطي والله
،. انداريت عليه ليش اشفت !
،، اشفتتت مو انسمط جدي من وراج اتوبه
بعد اذا طلعت وياج مايعجبج العجب مو هاي
هدوم تارسه المحلات شتردين بس كولي
،، مو حلوات والله
،، يابه صدك تحجين إنتي
،،، اي ردت عمتي علية وهي كعدت تعابانة
،، ضلي ضلي تعايري علينا شوفي الي ما
يعجبها العجب مثلج الا مايطيح حظها
،، هاي شكووو عمة اشو نفكيتي علية
ملابس ماعجبتني اشون يعني كوة اخذ
،، اسكتي اسكتي لسانج اطول منج
وين راحت سناء خلي تجي تفتر وياج اني
تعبت واخذت ملابس لسماح بعد مابية افتر
،، اي اكعدي عاط علينا طلال
،، منا الناس صوتجن فضحتنا
امشي نفوت لذاك المجمع امشي واذا مااختاريتي شي بالقران اطيح حظج فضينا
،، شنو هاي طلعة لو مذلة اكلتوني بكشوري
انت وامك
،، اسكتي فضينا فوتي
،، اشرتله بيدي درووححح عفته ودخلت
لممجمع ضليت اكلب اخذت كم تراك وعجبني
نفنوف سماكي قصير ورادنه طوال ضيكات
وبي نمنم ناعم يجنن اخذته وضليت اكلب بيه
كلت اخذا البسه بحنة الصخل رقية
واكف طلال يمي
