جموح , انثى
بارت , 24
للكاتبه داليا , المسلم
...............
نيران
ضميت جهازي والتهينا نتغدا الجهال
يتراكضون ويلعبون فرحانين صدك كنت
محتاجة هاي السفرة حسيت نفسيتي استعدلت اشوية
كل ما الهوه يطير العباية اعدلها واشوف
حاتم يخزرني يوووو هسه شسوي اعارك
الهوه اشون مصيبة انوب كعدته صارت كبالي
والله لبسي مستور رغم مااعرف البس العباية
لفيت روحي بيها لف
خلصو همه وشربو جاي عمة جابت ويانا
طباخ زغير وسوت الهم لان جايها طيب
كملو كام مختار كاللهم يله كومو دانصعد
راحو واحنا لملمنا الاكل والغراض اتفقنا نصعد وراهم رغم المكان هوسه والناس
هواية جاية لان جمعة ربع ساعة ورجعو
صحت لحوراء
يلله كومن خلي نصعدي وكفت عدلت عباتي والبنات هم رحنا من غير جها نمشي ونسولف
صعدنا بعدني بالبداية ودك تيلفوني شفته
( حاتم )
فـتـحت خـط وصـحـت الــوووو الوووو
سمـعـته يـصيـح بعصبية وكـاتـم صـوته
بيـده راح اكـفـر بـبيـج ارجـعـي مـمـنوع اصـعديـن قسماً بلله يانيران انـعـلـج
نـعـل انـززززلـــي
ســويـت روحــي ماأسـمع هوسه والشبكة تقطع صـحت الووو الووو مااسـمـع شيء
حـاتـم اذا تـسـمـعـني
ترى مااسمعك هسه نرجع سـديت للجهاز وذبيته بالجنطة صارت كدامي اشواق بـنـت
عمو ابو مختار دفـعتـها دصعدي اشبيج
اندارت علينه
.. لا لا ولـج نيران اموت والله اخااااف يممة
صـار عـنـدي مغـص
.. وخـرري مـني أني اريـد اصعد سحبتها مرت مرتضى ونزلن البنات حوراء صاحتني
،، تعاي ولج لاتوكعين راح ننزل
.. ما روحو اني مااخاف راح اكمل اريد
اصعد تركتهن وصعدت اني وزهراء وبنات خال حاتم اثنين وصلت للقبه صح هي زغيرة بس سوونا طريق الشباب ودخلنا
وعوائل هم واكفين دايصورون مديت راسي
من الفتحة حاتم يفتر يم البنات وضل يحوم
يروح ويرجع دكيت عليه فتح خط
... حاتم هاي أني فوك راسك نزل الجهاز
ورفع راسه شافني اشرتله بيدي واضحك
رجع خله نقاله على اذانه
.. انزلي بت الكلب انزلي لو اصعد انزلج سحل من فــوگ فشلتيني كلها تباوع عليج
داحسه روحج بين الشباب مووووو
... اووو هـاي اشـبـيـك هو راح نـنـزل
قابل راح ابـات اهم شيء صعدت
... هينة نيران قابل وين ترحين
.. سده بوجهي هذا اشبي خرب يومك مو هاي كلها ويانا مـكـيفـة وفـرحانـة شو محد عصبي صحت للبـنـات يلله نـنـزل
