جموح انثى
بارت 14
للكاتبه داليا_ المسلم
الجمال ليس في الوجه
الجمال هو النور الذي في القلب " 💛✨
نفسياً وجسدياً ودماغياً يتعذر إصلاحي ،
ولا نرجوا النجده. من احد سبقى هكذا
،،،،،،،،،،،،،،،،،،،،،،،،،،،،،،،،،،،،،،،
سهيت من الكوب التهيت افتح الجهاز
اريد ابصق بنص كصته عبر الحاكية ماحسيت بس بحرورة الجاي صلخ زري عطت وشمرتهن من ايدي اخخخخ يمة احتركت اجتني فرح تركض سحبت البجامة مني ونسحب الجلد وياها
،،، اصبري ولج خلي اشوف
،، بعدتها مني وخررري
احس رجلي خدرت من صلختها ضليت
اكمز والبنات يفترن وراية همزين المكان زغير
بس يوجع ركضت فرح جابت ملح وذبته على
الحرك
،،، هذا ملح خلي خلي يهدي الوجع
،،، انوب حركني بالزايد وخلاني اكمزززز
من الوجع اخخخخ يمة اخ شسويتي بيه صخيممةةةة رجلي فرح راح اموت من وراااااج انتي السببببب نمت على سريري
وهي وكفت يم رجلي دفرتها على بطنها حيل خلت ايدها على حلكها وضلت تضحك
،،، حقيييررة تضحكين اليوم احركج اصبريلي
لزمتني وردة والبنات يهدن بيه
،، ولج دركدي دنشوف المصيبة رجلج
شووو قليل لاهذا الحرك يعتبر جوية شوفي بس اهدي اهدي مو هواي وحده
من البنات لبست وكالت راح اروح ادورلها فاليوم هاي راح تفضحنة وهسه تحطنا
وتكتلنا
،،، اني الوجع اموتني وهنه يضحكن عليه
صدك اشوية واجتني تركض نطتني حبايات
٢ ولج شنو هذا
،، فاليوم ابو ال5 هاي اثنين الفراشة دكول
بس تشربهن تنام وترتاح
،، اخذتهن منها وبلعتهن وضليت اتلوى
اخخ ولجن توجع والله شوفنها صارت
حمرة شدعي عليج فرررح شدعي ضليت
افتر طلعتلي دشداشة منها ولبستني
لان ماعندي اني بس تراكات جايبة
وياية ماكو ربع ساعة وسكرت كمت
اشوف كل وحده وياها اربعة وهنه ولا
بطلن ضحك الحقيرات صافنة عليهن
مددت على فراشي اياشرن عليه غفيت
نمت نومة عمييقة
ثاني يوم الصبح كعدت جسمي متكسر
تململت كرصتني شوية رجلي كشفت
الغطة اشوفها زينة يعني مو هواي قليل والمكان احمر البنات دايبدلن
صباح الخير كلهن جاوبني وكاتمات
الضحكة
،، صباح النور
،، وسم من الصبح شكو اضحكن
فوك ماتجن تتحمدلي بالسلامة ضحكت
وياهن
،،. اشون صرتي كالتها فرح وهي دكلب
برجلي
،، زينة وخري شوو داكوم ابدل
