جموح_ انثئ
بارت _٥_
للكاتبه داليا_المسلم
عتمت ٲلليل لاشيئ ٲمام عتمت قلبي
ٲلليل ينتهي بنور ٲلصباح ٲما قلبي لاصباح
ڵـه ابداً
💚💚
نيران
اندكت الباب حيل كمت لبست روبي ولفيت شالي كانت ماما معلكتهن بتعلاكة بالمطبخ طلعت اركض
( صحت منو منو ) اجاني صوت اعرفه
... اني اني نيران افتحي الباب
.. فتحته صبا صارت بوجهي دخلت تركض
وكفت كدامي ودفعت الباب
... سدي سدي الباب عفية راح يجي
يقتلني سدي
... طبكت الباب وزنجلته شكو ولج طلعت ماما اباب المطبخ
( منو اجه نيران )
... ماما هاي صبا تعاي تعاي فوتي ليش ترجفين لزمت ايدي خايفة وتترجاني
... راح يموتني نيران قتلت امه
... شنوو قتلتي فهيمة ( هزت راسها خايفة )
تعاي سحبتها وهي ترعش. دخلتها للمطبخ وسديت الباب كامت أمي بوجها. حسبالها عدها ابرة بس من شافتها مفرعة وبلا عباية اخترعت
(( لان متعلمين عليه أني اضرب تعلمت من خالتي سهاد الي عايشة ابغداد صيدلانية علمتني ازرق ابر حتى ابر السكري لان خالي بيه سكر فدائماً اني الي انطي الجرعة ))
.. كعدت بصفها اهدئي يولي راح ينكطع
نفسج اهدي شسويتي الها طلع دم
من ضربتيها لو لا
... لا لا لا بس بس بس ضربتها بالماسحة
على راسها وتخربطتت وبنتها خابرت هاشم وأني شردت الكم
( كابلتها أمي وتحجي وياها )
.. وج خالة حبيبتي فهميني عمتج ماتت لو
وعت على روحها
.. مااعرف ماعرف خاله كتلتها وطلعت
.. دنكت وخلت راسها بين كفوف ايدها وتبجي ونزل شعرها الاصفر هي بيضة ثلج وعيونها زرك وطويلة ممشوقة برشاقة حلوة هاشم حبها سبع اسنين مشاكل يله اخذها عشكها عشك معدان يوكف اباب بيت اهلها يشرب ويبجي عليها من انخطبت لابن خالتها تالي فسخو من ابن خالتها واخذها لان فضحهم بالمنطقة بس مشكلتهم الوحيدة ماكو اطفال عدهم واثنينهم مابيهم شيء هما يصيرون
جيرانا بس جورتنا مثل الاهل
اندكت الباب وطلعت ماما فتحته
وصبا كامت ترجف
... نيران ضميني نيران يموتني هاشم
مخبل اخاف منه والله من عصب مايشوف
كدامه
... رتبت على ايدها اهدي بيها لالا يحبج مستحيل يأذيج لاتخافين يجوز يعاقبج اي بس مو لدرجة الموت ( اذكرت ضرب جلال اليه ورجعت كرهته اكثر من قبل )
... لا هاي أمه والله يموتني عفية انطيني
تيلفون اخابر اهلي عفية
.... اصبري اشبيج دخلت ماما وراها هاشم
فات هي شافته ختلت وراية هو وخزرها بغضب عصر كف ايدة يصبر نفسه
