جموح انثى

بارت ٤٢

جموح انثى
بارت 42
للكاتبه داليا المسلم
......................

نيران & حاتم .....

رجعنا لبيت عمو صاحب  استقبلونا ممصدكين احنا  داخلين عليهم
عمة قدرية  كاعدة ورجليها  كلش موزينات  خطية  قهرتني  بس 
زوجة عمي قايمة بواجبها  زينة وياها  وهم لان بنت  عمهم  تحبها

بتنا وثاني يوم رجعنا للدجيل
وطول الطريق كل اشوية وسالني حاتم

_ هاا تونستي
_ ضحكت بوجهة اي شكراً ماقصرت
_ الحمدلله
_ بس عاد عودها مو تخلينا نتعارك يله مالتفت عليه يسوق ويحجي وياية

_ اذا نتعارك فهذا شيء بيدج أنتي اضبطي لسانج ما اعاركج
_ خوش انشوف زين عندي شيء بس هذا احجي وبعد اسكت

قطب حواجبة ماعاجبة
_ كولي ياب شنو!!

_ شسمة هذا بخصوص التعيين حباب حاتم والله بنفسي اتعين

_ نيران شحجينا احنا وشكلنا بابا ابنج زغير ومتلحكين والله
وبعدين أني مخليج بعازة تريدين اخصصلج مثل راتب التعيين ولا
التعب ودوخة الراس

_ لا أني مو بحاجة فلوس عندي شهريتي الي تنطينياها جامعتهن
هواي بس اني لويش درست وتعبت غير اشوف ثمرة تعبي

_ وشنو التدريس حسبالج راح ترتاحين والله شك حلك شتحجين
انتي بابا وبعدين وين اكـو تعيينات كل عقلج بس المدارس الاهلية
وراتبها شيء قليل مايسوا التعب ،،

_ حتى لو قابلة والله مااخليك تحس بتقصيري واكيد يصير رجعتي
وية رجعتك من الدوام

_ نيران سدي الموضوع الصراحة ماأمن بيج نسيتي شسويتي مو
نسيتي

_ يوووو حاتم شسويت يعني مو اعتذرت منك واصلاً اني السويته
مو قصدي والله

_ خوش يعني نسيتي شسويتي

_ صدك لزمتني نوبة مال ضحك هو هم كام يضحك ويايه
موتتني ميصير كل اشوية وعدتها نسيتي ونسيتي  اي نسيت
شسويت  ولااتذكر هم بعد شرايد هز راسه وسكت

_ خوش نيران

_ وصلنا للبيت   بعد ما رتاحينا  وحاتم نام تعبان تركته ورحت
كعدت يم عمة سولفت اله على العرس والونسه كالتلي

_ان شاءالله دومكم فرحانين يارب
_ تسلمين عمة فلت ربطتها تعدلها شفت مكان بوسة بركبتها
وخرت الربطة هاااا عمة هاااا عود أنتي الجبيرة هااااا شنو هاي
ضلت تغطي بروحها  وتضحك خجلانة

_ ولج هاي كرصة اسكتي عيب اششش لا احد من الولد يسمعوج

_ ضليت اضحك وهي خجلانة

.....
مر اسبوع واتصلت هناء على تيلفون عمة تسال عليه
حاجيتها  هلو هناء اشونج

_ مشتاقتلج نيران اشبيج ليش متجين علينا  ليش هذا الجفاء منج
_ موبيدي حاتم مايقبل اطلع واخير فتره اخذ مني جهازي ومنعني
منه