Does History Repeats Itself?

Chapter 10: Ang Plano

Kinabukasan....

Nakita nila Linda at Angelo si Raphael na palinga linga sa may pintuan ng eskwelahan nila...

"Paeng, ano nililinga linga mo dyan?" tanong ni Linda

"Si Barbara kasi sabi nya dito ko na lang sya hintayin sa may pintuan ng eskwelahan natin, huwag na daw sa kanila baka makita ako ng mga magulang nya.." kwento ni Raphael sa kanila

"Siguro parating na yun?" sambit ni Angelo ng...

"Raphael!!! Angelo!! Linda!!!" isang tinig ang nagmula sa likuran nila

"Barbara!!!" sambit nilang tatlo

Ng makalapit na sa kanila si Barbara...Isang mahigpit na yakap ang iginawad ni Raphael sa dalaga..

"Ay may ganun agad?" sambit ni Linda at kumalas ang dalawa sa yakap

"Kumusta ka na? Akala ko pinagbawalan ka ng magulang mo pumasok?" agad na tanong ni Raphael

"Pwede ba yun? Eh hindi ko naman matitiis na hindi makita ang pagmumukhang yan" masayang sambit ni Barbara sabay kurot sa ilong ni Raphael

"Aray!! ang sakit non hah?" sambit ni Raphael

"Kay aga aga talaga ng dalawang ito diba Angelo?" sambit ni Linda

"Gusto gawin ko rin ang ginawa ni Raphael sa iyo?" kindat ni Angelo kay Linda

"Ewan sa iyo, tara na nga bago pa tayo mahuli sa klase natin nyan.." yaya ni Linda

Papasok na sila ng klase ng makita sila ni Isabela at mga kasamahan nito...

"Oh? akala ko hiwalay na kayong dalawa? bakit magkasama pa kayo?" takang tanong ni Isabela

"Pwede ba Isabela, kung maninira ka lang ng araw, huwag ngayon pwede?" mataray na sambit ni Linda

"Linda, pwede huwag kang makialam sa gusto kong sabihin kay Barbara at Raphael" sambit ni Isabela habang nakapameywang

"Sandali nga, anong alam mo sa mga nangyayari sa amin hah Isabela? May kinalaman ka ba kung bakit kami natunton ng mga magulang ko?" tanong ni Barbara kay Isabela

"Eh ano naman sa iyo kung sinabi ko sa mga magulang mo kung anong meron sa inyo ni Raphael at kung saan kayo palaging lumalabas.." natatawang sambit ni Isabela

"Ano bang ginawa kong kasalanan sayo? Hah!? bakit pati sarili kong kaligayahan, sinisira mo hah?" medyo nagagalit na ang tono ng pananalita ni Barbara

"Gusto mong malaman kung bakit!!?" nakipagsabayan na rin si Isabela

"OO!!!" matapang na sambit ni Barbara

"Dahil sa lahat na lang ng bagay, nauungusan mo ako, dito sa klase lagi ka na lang nangunguna.." pasimula ni Isabela

"Mag-aral ka kasi mabuti para di ka ganyan laging pangalawa.." sumabat na si Ligaya

"Tumahimik ka dyan!! di pa ako tapos!!!" si Isabela

"Maging sa mga patimpalak, ikaw laging nangunguna, at higit sa lahat...!!" paghinto ni Isabela

"Ano?" tanong ni Angelo

"Pati ba naman si Raphael nakuha mo!!!Mang-aagaw ka talaga!!!" pagtatapos ni Isabela

"Ano!!!? May gusto ka kay Raphael?" sabay na sambit ni Crisanto at Angelo

"Tapos ka ng manumbat?" simpleng tanong ni Barbara

"Bakit wala ka man lang reaksyon sa mga sinabi ko?" takang tanong ni Isabela