البارت الخامس 📌
قطبت امينه جبهتها باستغراب تنظر الى سهير الواقفه امامها عاقده ذراعيها بابتسامه واسعه
- احنا كنا عيله مع بعض ، دلوقتي عاوزه تاخدي ولادك وتسبينا، بدل ماتستغلي الفرصه دي وتطلعينا كلنا من الفقر ده
نظر لها ماجد مقطباً جبهته لتنظر هي له بمكر ثم نظر لـ امينه وقالت بابتسامه لعوب مقتربه منها تقول بحزن
- امينه ازاي عاوزه تسبينا هنا ، ده بدل ماتخلي غسان بيه يجيب شغل لماجد ، انتي مش شايفه حالتنا عامله ازاي ، يرضيكي يعني المرمطه اللي احنا فيها دي
تنهدت امينه بتفكير لتضع سهير يديها على كتفها تربت عليه قائله بنظرات متفحصه
- زي ما احنا وقفنا جنبكوا لازم انتوا كمان تقفوا جنبنا
نظرت امينه لماجد ثم نظرت لسهير وتوجهت تجلس على احد المقاعد وصمتت قليلاً
بينما ابتسمت دارين بسخريه وقالت بضيق ليمان
- ده احنا ماهنصدق نخلص
نظر يمان لنهاد التي كانت تطالعه بنظرات حزينه ليقول بهدوء
- ايوه مرات عمي معاها حق بس هل غسان بيه هيرضى بده
رفعت دارين حاجبها تنظر لأخيها باشمئزاز ثم ضربت كف بكف وعقدت يديها بنفاذ صبر
ابتلعت امينه ريقها ثم رفعت رأسها وقالت بجديه
- معاكي حق يا سهير، احنا عيله واحده !!
******************
( بعد مرور يوم )
وقفت شاهيناز بثوبها الازرق القصير الذي كالعاده ضيق يبرز جسدها بدقه
نظرت الى احد الرجال وهي تقول بامر
- زي ما قولت ، عاوزه كل حاجه تبقى مظبوطه
نظر لها الرجل بابتسامه وقال
- متقلقيش يا شاهيناز هانم
تنهدت شاهيناز ووضعت يديها ترجع خصله من شعرها القصير للخلف ثم نظرت للجهه الاخرى لتجد حمزه يخرج من سيارته في حاله يرثى لها
اتسعت عيونها واقتربت اليه تقول بصدمه
- حرام عليك يا حمزه ده عمي لو شافك هيقتلك
رمى حمزه بثقله عليها لتسنده وقال بابتسامه ساخره
- طيب وديني اوضتي يا حلوه ، علشان عمك ميشوفش
سندته شاهيناز بصعوبه وهي تقول بضيق
- متاخدش راحتك اوي كده هتوقعني على وشي ، انت مش شايف فرق الحجم
تنهد وقال بهدوء
- اسندي وانتي ساكته
******************
اغلقت جيهان الغرفه وتوجهت تنظر لياسر بنظرات حانقه بينما كان يبتسم هو ببرود جالساً على مكتبه يراقبها
- وبعدين معاك مش هتبطل بقا لعب من تحت لتحت
لوى شفتيه وقال بمكر
- طب تصدقي انا بقالي كتير ملعبتش
