زفر الهواء من فمه يفهم الى ماذا ترمي تحديداً ولكنه لا يستطيع ان يشرح لها كل شيئ الان دفعه واحدة .. فتنهد بهدوء وقال لها - تمام استغليني انتي كمان .. استغليني وانا موافق انفذ كل اللي انتي عوزاه !
نظرت للأرض بوجوم ولم تعقب ليمد يديه يرفع رأسها نحو وقال وهو يراقب تغير ملامحها بعد جملته التي يتفوه بها - لازم تدافعي عن نفسك وتكشفي الاعيبها الـ**** ، لان هيا جايه هنا وحاطه هدف عاوزه تاخدوا وهدفها الاساسي هو ادهم !
هتفت بلهفه وذهول - ادهم ؟؟
اسدل ريقه بضيق وقد تخللت بعض الغيره قلبه وهو يجد الاهتمام واضح في عيونها اتجاه اخيه ، اخذ نفس عميق ثم قال وهو ينظر حوله بتفحص - تعالي معايا .. انا هرسيكي على الحوار بس مش هنا
!!!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عقدت روفيدا يديها امام صدرها بانزعاج من المسار الأخر الذي سارت عليه خطتها ... نظرت لياسر الواقف امامها يفكر فيما قالته بعد ان قصت عليه كل شيئ ، تحاول كسبه في صفها مؤقتاً ..فهي تعلم جيداً قدراته الخاصه ودهائه في مثل هذه الامور ليرفع هو حاجبيه ، وابتسم وهو يحك ذقنه بخفه - انتي عارفه ان لو البنت دي راحت بس لمَّحت عن الموضوع ده لغسان هيحصل ايه ؟ .. هنلاقي نفسنا انا وانتي قاعدين بنبيع خضار !
ابتلعت ريقها بازدراء وتنهدت - والله انا همي اخلص من البنت دي بأي طريقه ... بس المشكله دلوقتي مش فيها هي ..!
اكمل حديثها وهو يقول مُلمحاً - في حمزه ؟؟
اومأت برأسها وقالت بحنق - بالظبط
ابتسم بخفه لتردف هي بتهجم - انت متخيل ده عرف كل حاجه .. وقلب خطتي في صالحه ..حتى عرف ان ادهم يبقى ابني ، اللي عاوزه افهمه بقا هو بيفكر في ايه وهيستفيد ايه من ده كله .. ماهو لو كان عاوز يفضحني كان زمانه راح قال لابوه وبرأها او على الاقل كان انقظها وبوظ الخطه من أولها ، بس هو معملش كده فأكيد ليه هدف تاني !
قال ياسر باطمئنان - انا هحاول اتكلم معاه وافهم منه .. حمزه ده تربيتي متقلقيش
