في مكان ما على هذا الكوكب الفسيح ، مكان يُنسب الى اصحاب الطبقات المكافحه من اجل تأمين حياه كريمه لأنفسهم ، مكان ذو طابع بسيط وبيوت قديمه متراميه بعشوائيه هنا وهناك ، ولكن اكثر ما ميزها هي الوانها الكثيره ، مما ادى الى تداخل الاوان الغير مقصود بين سكانها لإبراز تحفه فنيه ملونه بعشوائيه ، ولكن رغم ذلك يعتبر حي فقير لايطيق سكانه العيش فيه مقارنه بتلك الاحياء الراقيه والمنازل الفخمه
فهذا هو عصر التطلع الى ما ليس في ايدينا ، وحب المال وحب التفاخر بالنسب وحب كل شيئ لا يكون لنا خيار في كسبه او خسارته
على بعد اميال قليله ، في احد البيوت المنعزله قليلاً ، جلست سيده في اواخر العقد الرابع من عمرها على تلك المائده التي امتلأت بالصحون والطعام الذي لم يجهز بعد
جلست تضع الارز المتبل في اوراق العنب وتلفه بحركات متمكنه سريعه
تصببت حبات العرق الى جبهتها فوضعت اطراف اكمام ثوبها تمسحها بإرهاق ثم اكملت ما تفعله بسرعه حتى تستطيع تجهيز الطعام في الوقت المطلوب
دخلت عليها سيده ما وهي تقول بتذمر
- ما شاء الله هو الغدا لسه مجهزش ؟
تنهدت ثم رفعت نظرها وقالت بقلة حيله
- زي ما انتي شايفه يا سهير
عقدت سهير يديها وقالت بضيق
- بس ماجد هايجي من الشغل دلوقتي ولا نسيتي
قامت الاخرى بهدوء وقالت
- ماجد جوزك مش جوزي يا سهير ، ع العموم ٥ دقايق ويكون الاكل جاهز
لوت سهير شفتيها وقالت
- اعمل ايه يعني ماانا تعبانه وبعدين شغل البيت كسرلي ضهري
ثم جلست وهي تقول برجاء
- مش عارفه امتى هنخلص من الهم ده ، غيرنا عايش حياه منحلمش بيها ومرتاح لكن احنا مكتوبلنا الهم ووجع القلب
نظرت لها "امينه" بهدوء وقالت
- وغيرك نفسه يعيش حياتك برضو ، كفايه انك مش بتنامي ومعدتك فاضيه وجوزك وولادك حواليكي بخير
قامت سهير وهي تقلب عينيها بعدم اهتمام وقالت
- اوووه هنقلبها نصايح وكلام اهبل ، انا غلطانه اني بفضفض معاكي يا شيخه
ثم توجهت الى الخارج بينما تنهدت امينه وقالت وهي تهز رأسها بأسف
- والطمع مش هيجبلك اللي انتي عوزاه يا سهير
-
_____________
توجهت سهير الى غرفه جانبيه لتجدها مليئه بالكراكيب وتعمها الفوضى من كل مكان ، تنفست بغضب ثم احكمت غلق الباب خلفها وقالت بحنق
- هتموتيني قريب
توجهت الى السرير وقالت بغضب وهي تضرب تلك النائمه لتستيقظ
- نهاد قومي الساعه بقت ١٢ الضهر وانتي لسه نايمه ، عاوزه تجنيني قريب
تأففت الفتاه النائمه وقالت بضيق
- ماما ارحميني سيبيني انام شويه انا تعبانه
رفعت سهير حاجبيها وقالت بتهكم
- وتعبانه من ايه ان شاء الله هو انتي بتعملي حاجه في حياتك علشان تتعبي
