وأقسم الجميع أن لو عاش قلبه سـ يُحيِ قلوب الجميع بـ السعادة❤️
.........
دكاترة تجري وتبي تعيّش القلب❤️
القلب الي لو عاش حيعيّش ناس هلبا
قلب مبدع❤️
شني حالته توا "سأل الدكتور"
وجاوبت الدكتورة |كل شيء مستقر الحمدلله بعد 24 ساعة حيفيق😊
تييك تووك تيييك تووك
الصوت الي كلنا نملوا منه 😂👋🏻
شوية شوية فتح عيونه
"وأخيراً" الكلمة الي اللسان حاول يقولها
خشت الدكتورة بابتسامتها بسيطة|كيف حالك
{اني مفروض نسأله السؤال؟! كيف حالي! واني شني توا!}
الدكتورة|اول شي انت كنت ف غيبوبة
-كم ليا ؟!
الدكتورة|ستة سنين ولطول المدة أثر ف الدماغ مما سببتلك فقد ذاكرة 😶
-ستة سنييين؟!!
الدكتورة|اي وحالتك توا مستقرة ،اليوم بس حتقعد اهني لانه بنكمل الإجراءات وغدوة انديرلك خروج
-باهيي شن اسمي؟!
الدكتورة ضحكت|حتبدأ حياة جديدة شكلك😂❤️
إسمك " إيزار" و مفيش معلومات عليك غير اسمك وعندك حاجات بسيطة حنعطيهالك غدوة ولو احتجت حاجة كلمني
هز رأسه وهو يفكر ف حياته كيف حتكون!
طلعت وخلاته غارق ف تفكيره
..
هه ستة سنين!!
رجّع ظهره للسرير ، النوم الحل الوحيد {لتمضية الوقت}....
_
_
صبح يوم جديد ✨
ناض إيزار وخش للحمـام
شاف للمراية
ضحك بإستهزاء {نموت ونعرف شن الي خلاني هكي!}
غسل وجهه وطلع
قعمز ع السرير وخشت
الدكتورة شادة شنطة صغيرة
صباح الخير😊
إيزار|صباح الخير
الدكتورة مدتله الشنطة|هاذي ليك
إيزار| نقدر نطلع توا ؟!
الدكتورة|اي
طلع ووراه الدكتورة
قعد يمشي ليين طلع من المستشفى
قعد يتمعن ف السمي والناس والشارع
فتح أول جيب ف الشنطة القي فلوس وورقة فيها عنوان شقته طلعهم وركب تاكسي
السواق|المكان؟
إيزار مدله الورقة واعطاه فلوس
والطريق كلها يشوف من الروشن
"وصلنا"
الشارع كان هدوء هلبا
نزل إيزار وقعد يمشي ليين وصل للشقة قعد يشوفلها ويحاول يتذكر لكن مفيش فايدة
دخل المفتاح وفتحها
كان حوش صغير أثاث بسيط والي لفت انتباهه مكتبة صغيرة وكرسي
حط الشنطة ع الطاولة وفتحها القي فيها كتاب!!
قعمز ع الكرسي وقري الاسم الي مكتوب لوطا
{ إيزار🖤}
وتوقيع 🖋...
اسمي!!
فتح الصفحة الأولى...
وقبل ما يبدأ يقرأ سكر الكتاب
فكرة إنّي بنسترجع ذاركتي مشوقة😂
تبيلها طاسة قهوة🖤
طلع من الحوش ومشي للدكان شري قهوة ورجع للحوش طيبها
سكر ضي الحوش كله وخلا ضي السهارة الخفيف وقعمز وفتح الكتاب 🔏🖤
أنت تقرأ
كتاب أسود.🖤
Romanceرواية نوعا ما سودوية، تحمل كل شي مِن فرح لي الم لي جنون لي حب، بكل معنى الكلمة رواية!🖤
