كتاب أسود.🖤

بداية النهاية.

"اهلاً" كان معناها مختلف ف اللحظة هديكا "اهلاً" كانت "متخافيش"❤️..
اهلين "ردت اماريس مع ابتسامة لمعنى كلامه"..
كلام ادفى من اني نكتبه،كلمتين في الوقت المناسب يبرهنوا ان الآمان ينبع من بين الحروف ،
آمان يوصل للقلب قبل ميطلع من الفم!..
"الدنيا حتستمر وحتوقف لما يتمركز الخوف." وكمل "متفكريش باللي فات ولا اللي جاي .. متحييش حاجة ماتت وراك ومتفكريش شن بيصير القدام .. عيشي اللحظة الي انتِ فيها متخليش طاقتك تنفد ف حاجة فاتت ولا تخليها تنفد في حاجة ممكن متعيشيهاش.. به هي ضيعتي وفكرتي وحللتي لسنة او سنين القدام به من قال متموتيش غدوة؟ ولا اليوم ..ف خليها كلها كيف متجي!.." ختم وائل ببتسامة❤️.. وأماريس الفرحة وصلت منتهها 🔥..
"نعيشك اللحظة عادي؟🤣" قال وائل بضحكة وردت اماريس "هي!!"...
طلعوا من القهوة ووجهتهم مجهولة ...القلوب حتحدد والرجلين يوصلوا...
"اختارت الخيار الثالت ،حياتها ماتت وهي انولدت من جديد✨"
————————————-
وصلوا وهبة مصدومة ومزال الصدمة الكبرى!..
"من قالك ع المكاان هذااا ايزااار " هبة تعيط وترعش ..."ايززاااااااااررر" نادى ايزار الصغير وهو يشهق ..عقلها مستوعب اللي يصير  لكن رافضة تصدق قعدت تجبد ف ايزار.. وثواني و طلع ايزار
هو مستغرب وهبة مصدومة!!..
"ايزار؟؟" همست ووقفت ف مكانها
رأسه وجعه ذكريات تخابطت وصور واصوات وفي دقايق تملكها الصمت "رجعت الذاكرة"
"هبة!" قال ايزار وكمل "ايزار ولدها؟ "
هبة نزلوا دموعها وقعدت تهز ف راسها "ايي ولدها مش ولدك "...
       
           ولدها مش ولدك💔..
——————————-
"خايفة؟ كان هذا نولوا "قال طه ورولا ردت "هو اني شن بيخوفني وانتَ معاي!" وكملت "غر سقع شوية كأنه؟" ... ضحك طه وقال "هو مش سقع انتِ تدلعي تبيني اندفيك🤣" ..."ههههه وبه مش حدفيني؟" ... قرب وحضنها❤️
والناس تهمس ومبتسمة ..والي خلاهم يضحكوا ويفرحواا اكثر ..انه قامها لحضنه وقعد يجري ويلود بيها 🔥..
"انحبهااااااااااااااااااااااااااااااااا" عيطط طـهه
ورولا من الفرحة تبكي❤️...
————————————-
بعد سنة من هذيكا الليلة ...
شافت روحها في المراية لابسة الفيلو والطرحة نازلة كانت جميلة بدرجة لا توصف..
" هذا هو عيشي اللحظة معاه" قلبها قال..

قدم وائل ولف ايديه علي خصرها وهمس "متخافيش" ... وهكي قلبه قال لقلبها "اهلاً" ❤️
"نمشوا؟" قال وائل ..."بنحضن هبة" قالت اماريس ودموعها تجمعوا ...
ثواني وخشت هبة وجها احمر وكانت تخفي ف دموعها..

كانتا تخفيان تلك الدموع وحال ما التقت العينان تلاشى معنى الخفيان وانهمرت الاثنتان بالبكاء حتى احمرت الوجنتان ..

"الزفاف اكثر اللحظات سعادة ولكن يملأه الكثير من البكاء"

حضنوا بعض .. "ياسر عرس هو امسحي دموعك" قالت هبة وضحكت اماريس وقالت"مساوية؟"
"قمر قمور ف السماء بيدور😂" قالت هبة وهي تضحك واماريس ووائل نفلقوا ضحك🤣..
"مرتك لما كانت صغيرة هكي تغني بروحها مش اني😂"... "هي هي اطلعوا "قالت
وهما طلعوا... زفها والناس بيناتهم منبهرين ✨
————————————-
"طه نزلني " قالت رولا.."حاضر" نزلها وعيونها حمر وجهاااا اصفر .."طه انحبك اني"همست وهي ترمش ببطأ .."رولاا!!🙁" شدها وردها للمستشفى
"لازم تبدأ علاج" قال الدكتور .. " وتبدأ !! "قال طه ورولا قطعت عليه" لا منبيش" ...تبادلوا النظرات كل من طه والدكتور لحظات وطلع الدكتور..
"اعطيني سبب مقنع؟"
"خايفة اني ي طه" تمتمت رولا
"من العلاج خايفة؟" قال طه ... سكتت "خايفة منك خايفة من ردة فعلك" قالت ولمعوا عيونها
واللمعة هي الي زادت من اصرار طه❤️..
"معناها خوفك ع الفاضي لانه اني لو فيه كيف كنت اعطيتك قلبي❤️.." ابتسم طه وضاف لكلامه "اني لأني انحبك... ". قطعت رولا ع كلامه "ناادييي الدكتورر هي❤️"
قرب وباس راسها "معاك متخافيش"