كتاب أسود.🖤

من صاحب الفرحه؟

الحب منغير وجع مش حب
اصلا كل فرحة يصاحبها حزن ...تخيل حياتك كلها فرحة !! مفيهاش ولا ذرة حزن؛متوقع منها تكون احلا!! ،. لا صدقني انك غالط وكله التفكير غلط
لانه لما تكون حيااتك كلها فرحة مش حتحسها حتشوفها روتين ،. لكن لما يتخلط الحزن والفرح !! حتحس بيها الفرحة .. حزن حزن حزن فرح!!. حتحس انها نعمة عظيمة وكذالك العكس ..ف احني المفروض نفرحوا .. اي حزين حتجيه فرحة تغلب الحزن وتقلبه فرح والعكس ..

الحُب كذالك مستحيل مستحيل والف مستحيل
انه الحب سعادة فقط ،.لا الحب وجع سعادة حزن تحمل ضعف قوة وهلباا حاجات حضيفهم للقائمة بمجرد ما تحب❤️..
اسأل حد يحب ؟! يحب بمعنى الكلمة حد يحب حق وحيقولك انه الحب مش سعادة بس

"لو مرض/ت حبيب/ة حتمشي؟!"
الي يحب حق مش حيخليك تفكر انك تسأله
سؤال هكي ...وهذا مثالنا علي طه❤️..

خشت رولا بإصرار انها بدير الفطور
طه قعمز وف عقله كلام وافلام وصور وهلبا حاجات في عقله تخيلات تفوق المتصور..
وكلها تجتمع ف طريق وحدة تؤدي لقلب رولا❤️..

واشتهي القهوة مُرّة وانتِ جالسة بجواري
ف وجودك يحليها✨..

كتب ف ورقة وابتسم ❤️..
ابتسم لانه عارفها بتسأل  تخيل ردة فعلها وهي تقرأ✨
قربت وهي تحط في فنجان القهوة ع الطاولة وشهقت "هيئ نسيت السكر !هيي شوية"

"رولا رولا استني🤣" قال بحماس وضحكة
وهي تلفتت وخدت منه الورقة
قرتها عيونها تلألأُ ابتسامتها مقدرتش ترخيها ❤️..
"يربيييي انحبكككك😭❤️❤️❤️"قالت بفرحة بعياط بحماس🔥
"واني☹️❤️، تعالي تعالي" وأشر علي قلبه
وهي لبّت الأمر وارتمت ف حضنه الدافي❤️..
—————————
لبس تيشيرت وسروال وسبيدروا وشنطة وطلع
ملامح الحزن طاغية ..
خطمت بنت وقالت" يزننن؟؟!"
ضحك بإستهزاء "معش يزن اختفي الحرف الاول"

زِنِ مايحملْ قَلبي مِن عَبَأْ وهلاكٌ
بعد ان سَرق منّي التّرابْ اجْمل ملاكٌ..
....
سُإلتُ عن حالي من قِبل فتاة !!
فنظرت لوهلة اين نفسي لتوجهها السؤال ولكن سرعان ما تذكرت انها تحت التراب
فنظرت في عينيها ومضيت💨..
....
كمل ووصل للمقبرة🍂
ابتسم لما طاحوا عيونه ع اسمها "هديل"
كل خطوة يخطوها قلبه يزيد ينبض🧡..
قعمز ع حواف القبر وتلمس التراب "هديل!" همس
وهمسه تشقق بين التراب ووصل للقلب الي تحت.."كنتِ عارفة اني حنجيك وله!! اكيد محطيتيش ف بالك اني حنكمل مشواري بعد شفت ملاك زييك!؟ اني جاي بنقولك اني نحبك🧡.." قال يزن وصوته زاد خشونة
واخطلت الخشونة مع الشهقات ...الصوت الي يرعش القلب!! ولو كان القلب ميت يحييه!!.
حس بيد لمست كتفه..
تلفتت وهو يمسح ف دموعه ويخفي ف عيونه الحُمر ..
"شن صاير ف الدنياا؟؟؟ ولا موضة جديدة الهدرزة مع الميت🤨" قال الراجل
ويزن ضحك .."انت اكثر شخص محظوظ.."يزن قال ، والراجل تلفت وراه يبي يتأكد انه يزن يتكلم عليه.. ؛اللقطة الي خلت يزن يزيد يضحك😂وكمل"انت انت مفي حد وراك " الراجل عيط "انيييييييييي؟؟😐"،..
."من الحظ انك تسمع اخر كلام يقوله الميت قبل ما يبلغ التراب." قال يزن وهو يمرر في ايديه ع التراب ..
صُعق دماغه لا اكيد اليوم الراجل بيعلن استقالته🤣...
—————————-
"نقولك سر؟" قالت هبه. . . إيزار قرب كرسيه "قوليلي سر." قال. . .
      "بوك اسمه. . ." 
لسانه نطق بسرعة "وائل!! ..هو وين؟"
   "إيزار حبيبي من قالك؟.."نطقت بإستغراب
وإيزار كرر سؤاله "هو وين؟.."
هبة تمتمت بحزن" هو مشي قبل أمك ..مات قبل متموت امك.."
عيونه تعبو دموع ... ونطق "معنديش ام واب!!"
نزلوا دموعها وحضناته وقعدت تمسح علي شعره "واني وين مش تحبني؟ وحمزة!!"..قالت هبة بحنان
"ماما متخلينيش ☹️" قال برعشة..."نخلي الكل ولا نخليك اني وبابا جنبك وبتجينا بنوتة بتلعب معااك ولااه مش هكي تبي !❤️" قالت هبة ورد إيزار بحماس"اييي ايي" .. باساته ومسحت دموعه وقالتله انه حيطلعوا للملاهي✨...
———————————
خشت كنز بدلت حوايجها وطلعت ل إيزار الي يستنى فيها برا وافكاره ترفع وتجيب فيه...
"اني تعبت وقرارك هذا غلط واني الي حنتعب💔"..قال القلب موجهه كلامه للعقل ،.."احسن قرار انك تتخطى ماضيك وتبدأ من جديد.." العقل قال .... ورد القلب "هه الي بيبدأ من جديد لازم يكون اقوى مما تتصور،انت غالط!!"..."اني قوي" قال العقل بقناعة .."واني اضعف قلب ممكن تشوفه،العشق الي فيا متملكني،كل نبضة ننبضها تخص وحدة انت مقدرتش تذكرها ،واني منقدرش ننساها!!" قال القلب والعقل رد ب قناعة منهزمة"اس انت قراراتك تفسد ف كل شيء"...ورد القلب بنبضة بآلف معنى ....
...
قطع صراعه العميق تلويح ايد كنز قدام وجهه... وفي ثواني صنع ابتسامة ع ملامحه..

"هي نمشوا نفطروا" قال إيزار ،.وردت كنز "هيي"
كيف ناض ....
خطم طيف بسرعة وهمسس خفيف تسرب لسمعه "اتبع قلبك إيزار!!"..."اتبع قلبك.."
.......

الحب نحن من ننهيه لا الموت قادر على ذالك ولا الغياب فقط نحن من نهوى !!❤️
ومن حسنك ان تحظى بقلب لا يهوى حتى العدم✨..