كتاب أسود.🖤

ندم

.
أصعب المراحـل عند الضعفاء!...
                  مرحـلة الإصابة بأعلى درجات الندم💔
——————————
ف نفس الوقت
شخصين سكروا باب الحوش
الوقت نفسه والحـال مختلف!!

تسكر الباب
طاح غمض عيونه ونزلوا دموعه وضحك
قعد يضحك بصوت عالي..
يضحك وكل ميزيد، الدموع يزيدوا💔

وفي خيـال واقف بعيد ولو يقدر يبكي كان بكي💔..
——————————
ف نفس الثانية الي تسكر فيها الباب
ف مكان تاني
طاحت
"انتِ اقتلتيها" قال قلبها💔

كانت مقعمزة ومتكية ع الباب ومقابلها مراية
"هـديل ماتت تبكي!!"
ضمت رجليها وقعدت تبكييي وتبكيييي
"توأميييي مشيييي توأميييييي قتلته  ،ماتتت وهو يبكييي!"
خيال هـديل ف كل مكان ف كل زاوية
صوت بكاها وشهقاتهاا القوى
كل مرة يزيد يعلى

وكنز تعيط وتشهق بشكل يسلب الروح
"ولييليي ي توأمييي اسفةةة وليلي اني بحاجتككك وليييي نبيييك انيييي وليييي😭💔"
——————————
يمشي بروحه ف الساحة
صغار يفطروا وصغار يلعبوا
فيه الي يهدرزوا وفيه الي يخربش ع الحيوط
فيه الي يقرأ وفيه وفيه....

اما إيزار كـان يدور ويتلفتت
هه ف يومين تعلق بخيال امه!!
"مهنااااش" تنهد إيزار وطبس رأسه
"أني هني معاك مش حنخليك"
                               خيال أمـاريس قال✨

إيزار تلفتت وقال بكل براءة "انتِ تكدبي لانه لو معاي راه مخليتينيش"....
اختفي الخيال
وإيزار قعد يبكي "استاحشتك قبل ما نعرفك!!"..
           استاحشتك قبل ما نعرفك!!💔.....
————————————
تَمَالَكَ النَّاسَ ونَفْسَهُ
أَيَّامْ وَ أَعْوَامْ وَأَكْـثَرْ

صَوْتُ النَّاسِ وَهَمْسَهُ
أَمَوْتُهُ خَيْرَاً اَمْ هُوَ مَنْ أخْتَرْ

مقعمز يتأمل ف الكلام !!
مبدع،كاتب صغير🖤

إبري قلمه
ووجهه مقابله "نوعدك نكتب بيك إبدااع " قال عمر .... وكمل.."مش حنقلل من قيمتك متخافش😂" وضحك..
———————————
لبس حوايجه ولبس طاقية طلع من الحوش فرحـان
والضحكة باينة ف ملامحه ❤️!!..

يمشي ف الطريق لين لمح مراء كبيرة تبيع ف ورد
مشالها
"صباح الورد✨" قال يزن
والمراء ابتسمت...
"نبي ناخد وردات لأحلىى بنت شافها قلبي❤️"وضحك.. ...ناضت واعطاته احلى وردات غلفتهم ومدتهمله .. اعطاها الفلوس واستغرب لما ردتهمله ..
"صباح الورد؟! ،والورد حيذبل والصبح حيولي ليل لقلبك!!"...
استغرب ومستوعبش الكـلام الي قالاته ؟!...
——————————
قدااش العيون بتـنزّل؟
به بكيناا!!
كم مزال بش تتنحى ذرة من الوجع؟
    كمممم💔!!!!
———
مسح دموعه وناض بالشوية
حاس روحه ثقيل
آلم ستة سنين حس بيه ف ثانية !!
خاطم جت عينه ع الكتـاب الأسود🖤
قرّب وهو يضحك بأسف... قامه وقلب الصفحة
الإقتباس كـان..
    
           ...."فَبِغَيْرِ حُبِّكْ لاَ أگـونْ حَالِي
               وَلاَ تَصِحُ أَحْوَالِي
               وَبِجَمَالِكْ الْمُثِيرْ تَنْفَنِي أَقْوَالِي
               وَمُنْذُ رَحِيلِكْ أَصْبَحْتُ لاَ أُبَالِي"....

كـانت الجمل حاملة بحر من الآلم
ومع آلمي أزداد الآلم ضعفين💔..

عيونه توسعوا  وحاى التنهيدة مقدرتش تطلع !!..
—————————
كمل طريقه ومن الفرحة ميبيش يفكر ف كلام المراء
وأخيراً وصل بكامل قواه القلبية...

"ميندريش انه وصل للمكان الغلط.."
طق ع الباب ودقايق فتحتله
بنت التعب مسيطر عليها عيونها ذابلات خدودها حمر من البكي وترعش..
"اممم قبل يوم تبعت بنت خدت قلبي معاها
خداته بصوتهاا العذّاب❤️... واليوم جاي نبي ناخد قلبي وناخدها معاي ..". قال يزن بكل حُبْ

"هديل؟! ،هديل ماتت" قالت كنز ودموعها سبقوا كلامها 💔..

يزن ضحك"تبصري صح ولاه؟!!"

الجملة الي خلت كنز اطيح وهي تشهق بقوة وتبكي مش قادرة توقف..

قلبه اختفي فجأة ...
حبهـا ف يوم واحد حبها!!

"الورد حيذبل والصبح حيولي ليل لقلبك!!"...
الجملة قعدت تتردد ف دماغه..
———————
وما ذنب قلب عَشِقَ حتى الجنون
قلب مات مقتولاً من آثر الحب الملعون💔..