قاعد القمر فوق وكنز قاعدة مقعمزة تهدرز مع أختها، الناس كلها تدوي مع خيالات الناس الميتة، لان لي يحب حتى الموت مش حايغلب حبه.
"رفعني إيزار مبكري" قالت وهي مبتسمة وتمسح بصبعها في القبر، "رفعني لي مسرحية، رومانسية كانت وكانت أجمل مسرحية نشوفها في حياتي." قامت راسها وسكَّرت عيونها وكملت كلامها "سكرت عيوني بش نتخيل صح ونوصفلك صح بس، كان الشعور وهو جنبي حلو، هالة كانت طالعه منه ثبتنني في مكاني، قلبي بس كان شجاع لدرجة إن يتحرك، لكن إيزار؟ شفت هلبا ولاد قبله وهو أول واحد يثبتني."
...
وإيزار نحا الوردة المبللة بالدموع من ايده، حطها في الركن، الركن لي مخبي فيه كل الحاجات. . . ومشي فتح الكتاب.
الصفحة 5
"الغيرة ألم، والالم مرض، والمرض يقتل، والميت لا يتألم ولكنه أيضاً لا يحب."
...
هني إيزار ناض بسرعة وقف، "عرفتها عرفتها! عرفت علاش هي مش معااااايييي، لان نغااااار بطريقة بشعه، تفكرت!!" قال وهو يضحك بصوت عالي. . . وفِي اللحظة هاديكا جت دغدشات في عقله، عياط وعراك وتكصير و. . . و. . . "أمااااررررررييييييسسسسسسسس!!!" صرخة هزت ضلوعه هز.
———————————————
في الليلة الصقع هاديكا، أماريس تتصل، التلفون يشرين لكن مافيش رد. .
"الحالة في خطر، كسور في الأضلع وثقب في الرئتين تتسبب في صعوبة في التنفس، الرأس فيه كدمة والنزيف ماوقفش." قالت الممرضة. . .
———————————————
"قوليله علي بوه لما ينوض." قال حمزة وهبه خايفة، رفضت وناقشت لكن حمزة أقنعها بأن إيزار كبر، والحقيقة حايقدر يتعامل معاها. . . "حاضرة، الصبح."
...
تلاشى الظلام، بياض الغيوم غطا الدنيا من فوق، الشمس زينت دينيتنا بالبرتقالي. . والسماء بألوانها الفاتحه.
برتقالي الشمس ضرب عيون إيزار طول، وعيون كنز وإيزار وطه ورولا والدكاترة وكل الناس، برتقالي الشمس يعني يوم جديد بدّي، ديما يوم جديد.
...
هبه مقعمزة علي الطاولة مع فنجان قهوتها شافها إيزار ويعرف التقعميزة هادي وراها موضوع مهم، من غير مايدوي خش للحمام دار أموره بدل حوايجه ومشي قعمز قدامها.
قعدت هبه تلف في الطاسة وإيزار مقعمز يشبحلها ويسمع في صوت اللوح والطاسة، يشبحلها وهي تشبحله، يشبحلها وهي تشبحله، يشبحلها وهي تشبحله.
تم فنجان القهوة، "فمك معش مشغول." قال إيزار لحظتها. . .
"نقولك سر؟" قالت هبه. . .
———————————————
"ومن الحب ما قتل."
اقتباس نعرفوه كلنا، لكن معناه؟ مايعرفه حد، حد.
"رولا عندها مرض مزمن، هي طبيعية لكن مرات تجيها نوبات في القلب تغيب عن الوعي، وتحتاج عناية خاصة، هو سرطان حميد، لكن حتى لو حميد يقعد سرطان!"
هذا اي قاله الدكتور لي طه، ومن يومها ورولا تحاول تباعد طه عليها لكن مش قادرة، أيست وتستنا فيه يمشي بروحه، زيه زي أي انسان تاني.
طه راجل، ورولا البنت لي يحبها.
...
"علاش قاعد معاي؟" سألت رولا، الرد كان بسيط واي شخص حايرد نفس الرد "لان انحبك"، رولا ماناقشتش زي اي بنت لكن. . . "تحبّني لكن مش حاتحب الوضع لي حانكون فيه، المرض والكئابة، مش حانكون حلوة زي ما اني ولا جوي مليح ولا صحيحة ولا شي، حانكون انسانة بائسة" قالت رولا بكل قوة، وبالبريد متعه رد طه "من شن يشكي البؤس؟"
ضربت رولا جبهتها وقالت "غبي" وضحكت🤣
———————————————
"ااااااههههههه" عيط الراجل نوض كنز من النوم، "خلعتييينييييي!!!! معش لقيتي وين ترقدي الا في مقبرة!!!" وكنز ناضت مخلوعه من النوم وقفت بطولها، "نحسابه الميتين ناضو بيعاقبونا لان فسدنا العالم اللعين!!"، كنز قعدت تضحك🤣 وهو ايديه علي ركابه ويتنفس بالقوا من الخوف، "مفروض ينوضوا." قالت كنز، "ياريت ينوضو." والراجل مش قادر يدوي لان مافيشي نفس، تلفتت لي أختها وقالت "صباح الخير."، الراجل فنص فيها "ت. . ت. . تكلمي في الميتين!؟" وكنز انفلقت بالضحك🤣 "أي" قتله، "الميتين يقدرو يتكلّموا، وصدقني عندنا هلبا حاجات نتعلموها منهم."، قالتله الجمل هي وخلاته، بعد ثواني اتخذ قرار ان بيستقيل من خدمته ك حفار قبور.🤣
...
روحت كنز، قدام دروج حوشها لقت إيزار مقعمز مبتسملها، ابتسمتله وخطواتها بدت أخف لما شافاته، في حمل تنحا من علي كتافها.
"شكلك بتبدا يومي بتفاصيله." بدت كنز الحديث، "من سوء حظك" رد إيزار. . . وكمل "حياتي مانعرفهاش كيف كانت، بنخليها وراي وبنبدا حياة جديدة."، كنز صفقتله وقالت "قرار ناضج! قداش ليا معش سمعت حد قال حاجة صح."، "حياتي انتِ." قال إيزار. "موافقة." قالت كنز مبتسمة، أول كلمة نقزت في عقل إيزار "اللعنه!"
———————————————
"العملية نجحت، بلغي اهل المريض." قال الدكتور، "ما عنداش أهل، مافي حد جي وتلفونه مش عنده." قالت الممرضة، "معناها شغلكم زاد." قال الدكتور.
نهاية الرواية في بدايتها.
...
"رد" أماريس تلود متوترة، "رد!" لكن مافيش رد، التلفون يهز في السيارة المكسرة في نص الطريق بعد ما خشت في شجرة.
———————————————
"نقولك سر؟" قالت هبه. . . إيزار قرب كرسيه "قوليلي سر." قال. . .
"بوك اسمه. . ."
...
أنت تقرأ
كتاب أسود.🖤
Romansرواية نوعا ما سودوية، تحمل كل شي مِن فرح لي الم لي جنون لي حب، بكل معنى الكلمة رواية!🖤
