كتاب أسود.🖤

ارتباك.

الليل هو للحزن أم الحزن يحتفل ف الليل؟!🖤
أم الحزن يحتفل ف الليل!!!
هل موسيقى الاحتفال عالية
لتُهدم كل أعمدة القوة لديك!..
——————————————

تأكدت من كنز رقدت
خشت دارها وقفت قدام المراية ..
أول ما شافت شافت هديل الضعيفة
نزلوا دموعها ومسحتهم
بدت شوية شوية الرئتين ترتخى

تبي تستمتع بإحتفال الحزن!!

هديل واقفة ودموعها ينزلوا وتتنفس بالشوية
او التعبير الأصح تحاول تتنفس !!

قعمزت بهدوء جنب الروشن
وبدت نغمات الحزن تأثر فيها
وبدوا دمعوها يلحنوا معاهم
.
اكبر غلط ممكن الديره
انك ترتكب جرائم تحت مسمى الحـب

آخر حـاجة محتاجها العالم
تلوث معنـى الحب💔

وزمننا بدي يلبي ف الاحتياج الاخير للعالم !...
———————————————
"عـلاش؟!"
السؤال الي ف اغلب محاور المواضيع
تكون اجابته فراغ (               )..!
————————
حمزة رفع هبة وغسللها وجها
وخلاها ترقد ..
خش الكوجينة فتح الدولاب قام شكلاته
ومشي لدار  "إيزار"
طق
....
ثواني وانفتح الباب
الولد مكانش هكي!!

خش حمزة وسكر الباب وتفاجأ بالرسمة الي ف الحيط!..
إيزار رجع قعمز مقابل الرسمة ضام رجليه ويتأمل فيها
حمزة قعمز جنبه ومدله الشكلاته" الي تحبها❤️"قاله حمزة
"معش انحبها" رد إيزار
......
حمزة فتح ايديه
وإيزار تلفتت وكأنه نقطة ضعفه (الحضن💔)
ناض بالشوية وبتردد
ورمي روحه ف حضن بوه {الي كـان بوه قصدي💔}
قعد يبكييي ويبكيييي
يحاول يطلعه كله بدموع
شاد ف حمزة ومش ملحق ياخد نفس من البكي💔
وكأنه من ضرب قلبه

{نتحداك تتخيله زي ما اني تخيلت ومتنزلش منك دمعة!!}..

—————————
كيف حط رأسه ع المخدة ،نـاض!!
"لالا إيزار مش وقت نوم🙂"
قالها ونحا البطانية
مشي شرب امية وقعمز عالكرسي ومقابله وراقي
والكتاب وقلم ..
— — - - - -
ههههههههههههه

ف دماغه صوت بس
صوت ضحك
زوز  يضحكواا

إيزار شد القلم وقعد يخربش ومغمض عيونه يبي صورة
صورة لصوت الي يسمع فييه
يبي يذكر !!

وبعد صـراع ...
فتح عيونه ✨
ضحك بإعجاب
عيونه يلمعوا {انيي فنـان!!}
———————————
من التعب رقد
حطه حمزة ع السرير وغطاه
باس راسه وطلع💙...

تنهد وكيف سكر الباب وقام رأسه جت عينه ف عينها ..
قدم ودموعها موقفوش
حضنهااا بكل قوته
{قـبل منكونوا مع بعض شن قتلك
منكونش راجل لو نزلوا دموعك واني معااك وله؟!
اني وعدتك
وعدتك ان منخليش دمعة تنزل منك صح ولاه؟!
والراجل ميخلفش وعده ....
قـبل ميكمل كلامه
هبة مسحت دموعها بسرعة وشدت ايده "انت راجلي💙"
"خليك معاي💙"
ضغط علي ايديها وباسهم...
—————————
الصبح🏞
نـاضت كنز القت هـديل واقدة جنب الروشن ومش متغطية..
كنز عيطت|هـديييييييييي☹️
هديل ناضت تحك فعيونها |تيي خيييرك من ماات😒
كنز |قلبك ماات ،حمارة خيرك راقدة هكي
هديل|خدتني عيني
خشت للحمام غسلت وجها ولبست
كنز|وين!
هـديل|هلباا ونروح
طلعت وسكرت الباب
وصلت للمكان لقت إيزار عاطيها بالظهر
هديل خدت شهيق ومشت
"صباح الخير 😂" قالتها بضحكة
"صباح النور" رد إيزار
والزوز قعمزوا ساكتييين ويشوفوا لبعض
إيزار طبس رأسه |علاش دارلك هكي !؟
هديل رعشت |مني
إيزار |تعرفي من نقصد ،عيونك معبيات
هديل ضحكت بصوت عالي خلت الكل يشبحلها!!
إيزار قاعد يشبح لعيونها

{الي خلف الكواليس حيجي يوم و يطلع على المسرح ..}
جملته جت ف الصميم
ف نص الضحكة سكتت...