كتاب أسود.🖤

الايزارين

   "قلبي وكأنه يقولي ذاكرة عقلك مادورهاش، لان الذاكرة الوحيدة لي عمرك ما حاتفقدها، ذاكرة قلبك!"
———————————————
   قامت البنت لي مقعمزة راسها، حطت ايدها علي وجه إيزار وقالت "ابني." ودموعها في عينها. . . "أحبك" واختفت!
    إيزار وقف في مكانه مش فاهم شي، مش قادر يتحرك ولا شي.
———————————————
    "شكلي كنت انحب ولا مش عارف😂" قال إيزار لي روحه، اتكا علي الكرسي وقال لي روحه ثاني "خلي نقلب الصفحة نشوف شن لي بعدها". . .
...
         شن الاقتباس لي بعده؟
...
   قبل ما يقلب الصفحة ناض من علي الكرسي، وقعد يضحك هلبا! جاته هستيريا في لحظة من غير سبب!! قعد يضحك ويضحك ويضحك!!
     قام عيونه للسقف، "نحب ندوي مع روحي بس أني، البشر تاعبوني للدرجة هادي في حياتي!؟"
     في نفس اللحظة عيونه دمعو وكمل كلامه "لكن الوحدة مرعبة، مرعبة!💔"
———————————————
   "هي اطلع من هني شن ادير في الفصل انت؟" الابلة خشت لي إيزار في الفصل، إيزار خدي فطوره وطلع
   "كان قلنالهم اقعدو في الفصل راهو ناضو ينوحو." قالت الابلة. . . إيزار ضحك وهو يجري🤣
———————————————
   لَبْس إيزار حوايجه، دار صنة، لَبْس كندرته، شبح قدام المرايا وقال "خير من طرحة المستشفى الخضراء". . . تلفت بيمشي بعدين تلفت للمرايا ثاني وقال "نكلم ف روحي ثاني." ضحك علي روحه وفتح الباب وطلع.🤣
   يمشي في الطريق ويبتسم لي أي حد يجي قدّامه، ويقيم في ايده لي اي حد يجي قدامه👋🏻
     لي يخطم يضحك عليه، "مهبول هذا؟" هذا أول سؤال خطر في بال الناس.
———————————————
    في مطعم، مقعمزة بنت، بيضاء، لابسة الأحمر الطويل، روج احمر وشعر قهوي طويل وناعم زي الحرير.
              "هي وينه هذا!؟"
تستنا. . .
...
خش إيزار لي نفس المطعم، قعمز بروحه علي الطاولة لي قدام البنت هي.
    جاه القارسون وطلب إيزار ماكلته. . .
والبنت تشرب في العصير، تستنا وهي فاقدة آلامل.
...
    مرو عشرة دقايق، ماكلة إيزار جت. . . البنت شبحتله، إيزار بدّي يأكل. . . ناضت البنت ومشتله.
البنت| بروحك؟
ايزار| بروحي، وإنت بروحك؟
البنت| للاسف
إيزار| قعمزي بش نبدو مش بروحنا. . .
    البنت ابتسمت، ارتاحتله وقعمزت
البنت| شن اسمك؟
ايزار| قالولي ايزار، وانتِ شن اسمك؟
البنت| قالولك؟
ايزار| موضوع طويل
     يكلم فيها وهو يأكل في ماكلته.
البنت| اني اسمي هديل.
ايزار| جميل.
    نحت الصونية من قدّامه، ايزار شبحلها.
هديل| من الادب ان تحترمني ولا🙂
ايزار| اي صح، اسف
هديل| إنت علاش بروحك؟
إيزار| كنت في غيبوبة ليا ستة سنين، اولامس فقت ومالقيت جنبي حد.
هديل| ستة سنييييننن!؟
إيزار| اي
     هديل ردتله الصونية قدّامه.
إيزار| وانتِ علاش بروحك؟
هديل| معش بروحي توا
إيزار| اي صح، معش بروحك.
هديل| ماعندكش حبيبة؟
إيزار| عندي، مانعرفهاش صح لكن قلبي قالي ان عندي
    هديل ارتاحتله، بسبب صدقه ممكن، وقررت ان بتولي هي واياه صحاب، وهديل لي في راسها اديره🙂
———————————————
     روح إيزار من المدرسة، "ماما، ماما" يجري، "خيرك، شن في" جت مخلوعة. . . "علاش مبكري تخيلت مرآة، قتلي ان اني ولدها؟ وبعدين قتلي ان هي تحبّني؟"
    أمه تلكمست، ارتبكت معش عرفت!
...
               "اوصفهالي ترا."
"شعرها طويل هلبااااال واسود هلبااااااا، عيونها قهويات وهي بيضاء هلباااااااااا، وأيديها كانو مصقعات، وكانت تبكي☹️"
...
    أمه حكت علي شعره، ومشاته بكلمتين لين نسي الموضوع. 
...
    روح بوه في اليل، طول تلقاته
"لازم نقولوله، خلاص وصل لي عمر ان يعرف!"
...