كتاب أسود.🖤

عتاب.

وأسوأ ما في هذا العالم ان تبتلى بقلب ضعيف
ينظر لأحوال الغير لكي لا ينظر لحاله 💔!!..
————————
حاطة ايديها علي خصرها وتستنى ف هـديل تخش!
فتحت الباب وهي حاسة بنظرات اختها
"امتى ح تتغيري ؟!!" قالت كنز
هديل نحت دجاكتها والسبيدروا وخشت بدون صوت
ارمت روحها ع السرير وغمضت عيونها وهي حاسة بأختها الي متكية ع حاشية الباب
كنز "امتى ح تتغيري؟!" سألت مرة ثانية
ومردتش كذالك!!
كنز علت صوتها "امتىىىى بتتغيرييي ي هدييللل امتىى؟؟؟"
تعلايت الصوت أثر فيها
جسمها رعش عيونها تعبوا دموع وهما مسكرات
كنز زادت علت صوتها "امتىىى؟!"
اهني الدموع نزلوا وبدوا  يزيدوا
جسمها يرعش وكأنها تبان علي حقيقتها

كنز عرفت كيف تلعبها صح ،كلام حتقوله حيوجع تؤامها وحيوجعها هي الضّعف
"ههه مريضة هدييل انتِ ع فكرة مرييييييييضة"
قالتها وهي تشوف ف التأثير ع اختها
"تقتليي ف روحك ي مريضة ؟! كلله تجيبي فيه لروحكك " "نهنيك" ختمت بتصفيقة👏🏻
وطلعت...
هديل فتحت عيونها وقعدت تبكيي بصوت عالييي وتبكيي..
وكنز ف الحمام تسمع ودموعها ينزلوا وعقلها كان يقول
"هذا الصح! "
——————————
تشوف للماعين وسارحة
وبمجرد ما حست ايدين التفوا حوليها "ابتسمت"❤️
دفن رأسه ف رقبتها وخدي شهيق
"وين سارح الحلو؟" همس وهو مغمض عيونه
تمسكت بيديه الي محاوطين خصرها
"اممم في فرحتي❤️" هكي قالت
وكملت "اغلى حاجة ف حياتي انتوا ،مستحيل نتخيل حياتي منغيركم "
"ولا احني ي حب قلبي❤️"
نفخت هبة وضحكت "شن بيضمه هذا ي حب قلبك😂🙂"

ضحك ووخر من عليها "من حب قلبي منعرفهاش🤣؟!"
لوت شواربها وفتحت عيونهاا الكبار ☹️
حمزة شد خدودها وباسها
"نبصر ي حلوة هي هي نضمهم معاك "
"مش حلوة اني😒" قالت هبة وهي تشوفله
وهو قام ايديه معلناً الاستسلام 🙌🏼
————————-
عمر طلع بالشوية من داره
وقعد يشوف لبوه من بعييد
كيف فاتح السهارة ويقرأ ف هلبااا وراقي 👨‍⚕️
انخلع لما سمع بوه يقول
"تعالى عمر تعالى"
قرب عمر وقاله "امم كيف عرفت اني اهني"
"مش مهم المهم انك اهني💛" قال محمد
وكمل كلامه بسؤال"خيرك نايض لتوا؟! تبي حاجة؟"
عمر احمحم وقال "بوي احكيلي ع الي قعد ستة سنين راقد لكن عايش"
ضحك محمد علي "راقد لكن عايش😂"
محمد أشر ع الكرسي الي فجنبه وقاله قعمز  وغمض عيونك ورد بالك تتحرك
تحمس عمر وهو ينفد ف الي قاله بوه

محمد مقعمز ويشوف لولده
وفاتت ثواني ودقائق لين شاف عمر فاتح عينه شوية
محمد ضحك|حتى عشرة دقايق مخديتش😂😂
عمر |هلبااااا ستة سنين☹️
محمد|اي...
عمر  قطع عليه "اني انيي بنرقدك تصبح علي خير❤️"
محمد باسه وكمل يقرأ ف الحالات الي عنده
وعمر خش لداره وطلع كراسته
قلب الصفحات وكتب:
——-
تمالكَ الناس ونفسه
أيام و أعوام وأكثر

صوت الناس وهمسه
أموته خيراً ام هو من أختر

"ام هو من اختر!!" دار عليها خطين وسكر الكراسة ورجع لفراشه رقد
———————-
فتح عيونه وحاس بتعب وارهااق
فاشل مشلول ...
عيونه حمر دموعه يغلوا🔥
الرعب الي هو فيه لا وصف له

شاف حاجة تلمع جنبه
تحسس الارض وقامها
حديدة يد ناعمة ومكتوب "أمـاريس"❤️
قلبه خض مع بعضه
—————
ناضت وشافت روحها ع المراية 
دموعها خايفين من النار الي داخها هاربين!!
ضحكت بأسف بين شهقاتها القوى💔
قامت المقص وبدت تقص ف شعرهااا الي كان لنهاية الظهر
مبتسمة وتبكي
"كفاكِ ألماً ي حياة
ألا ترين أنّي اضعف فتاة
ما جعلت للروح  قِوَى
ولا حبيب للقلب يهواه
كفاكِ ايتها الحياة
       كفاكِ!!💔...