كتاب أسود.🖤

المرح بطرقه.

(10)
.
     "اهدأ، اهدأ" قتله هديل مع الحضن، ماحسش هو بدفي الحضن لي كلنا نعرفوه، لان مرات حضن من شخص مايتبدلش!
____________________________________
       بدّي الشغل في المطبخ🤣🔥
"هي نبدو؟" سأل إيزار، حمزة حط ايده ✋ مشي جاب تلفونه وفتح أغنية حماااااس ورد "توا نبدو."، وهبه مقعمزة تتفرج وتضحك، ماتضحكش عليهم تضحك علي روحها، من بيضم الحوسة لي بيديروها🤦‍♀️
.
   بدو يطيبو، حاجات أطير وحاجات تفرقع وتلبيز والدنيا حالة، لكن هذا كله مايهمش مادام العائلة كلها تضحك💙
__________________________________
هديل| وانت شن لي يفكر فيك بيها؟
إيزار| كتاب.
هديل| كتاب شني؟
إيزار| جمل مكتوبة، تقريبا اني كاتبها قبل الغيبوبة
هديل| لوحه
إيزار| مستحيل!
هديل| بتقعد تستاحشها طول عمرك هكي!
إيزار| واني راضي.
              وناض روح.
...
    كنز سمعت كل شي وهي تتفرج عليهم من الروشن، "هه" قالت وكملت "هديل وعادتها لازم تدخل في كل شي."
———————————————
        وبعد ساعتين من الشغل الجبار، التعب والتفكير والدقة والإتقان، الطبق الخيالي لي ماندارش قبل في أي مكان انحط قدام هبه.
هبه مقعمزة تضحك وخائفة تاكل، خايفة لو كلت، البنة تكرهها في الماكلة🤣
     إيزار وحمزة مقعمزين بترقب، "هي هي" يقولولها "هي هي هي هي هي"
      قامت الكاشيك وخدت أول فم و. . !
—————————————
    "لوحه، لا وتقول فيها بكل بساطة، علاش نايض من الغيبوبة بس!🤦‍♂️" قال إيزار في الشارع وكمل بتنهيدة قوية "علااااااااااااااااااااش!"، وطبعا الناس كلها تشبحله.
———————————————
      "همممممممم، ابدااااع❤️" قالت هبه وبدت تاكل كاشيك وراء كاشيك، إيزار حضن حمزة وبدي يعيط فرحان "هيييه هيييييه"🤣
——————————————
  وهو مقعمز حس بهواء مصقع يضربله في رجليه. . ماركزش في الاول، شوية وبدي يرعش من الصقع❄️💨
    ناض من الكرسي وبدي يتبع في مصدر الهواء. . .   مشي مشي مشي، لين لقي مربع مرسوم علي الارضيّة. . وفِي حديدة، جبدها وطلع باب.
   قام الباب ولقي دروج. . . نزل، الدنيا ظلاااااام دامس. . قعد يتحسس في الحيط لين لقي بريزة الضي، رصها وبدي الضي يرمش، يتسكر وينفتح، وبعدين ثبت.
    نزل وشبح المكان وعيونه توسعو، حط ايديه علي فمه ودموعه بدو ينزلو بسرعة بسرعة ف جرة بعضهم. . .
       المشهد لي قدّامه مرعب!
مرش مكصر وهلبا حاجات، دم عالارض وعالحيط، والحيوط مخروطات. . الحيوط مخروطات.
    بدّي يشبح في صور في دماغه، حط ايده علي راْسه وبدي يصيح بأقوى ماعنده، وقف وبدي يتنفس بصوت عالي وبسرعة بسرعة
    يسمع في صوت أماريس وهي تقول "الغيره مش إنك تحاول تعزلني علي العالم!!!". . . يسمع في روحه وهو يعيط.
     يشوف في أيدين يصبو في دم. . ويشوف فيها وهي علي الدروج راكبة.
           كانت آخر مرة يشوفها فيها!
——————————————
"وتوا وقت النوم" قالت هبه.
مشي ايزار خش لي داره.
فتح الباب جهز فراشه، مشي باس رسمت أمه لي عالحيط، طفا الضي ورقد.