كتاب أسود.🖤

الحقيقة

    من قال ان انحبو؟ كان نقتلو في بي نحبوه، امالة لي نكرهوه شني. . . للدرجة هادي وحوش!!؟
———————————————
    "اني مش امك يا إيزار" قالت هبة وأبرار قعد ساكت ويشبحلها، "المراة لي إنت تخيلتها، أماريس، هي أمك!"، إيزار يشبحلها بتعجب تمتم وقال "ك. . كيف؟"
      هبة نقزو في راسها الذكريات. . .
     مستشفى، أماريس، وجه مغطى بالدم، دموع وجملة. . جملة علقت في راسها "إنت أم إيزار!". . .
    "ه. . هي كانت صاحبتي، ماتت وإنت صغير، واني كنت أمك بدلها!"
   إيزار مفنص وعيونه مايتحركوش وكله ما يتحركش، هبة حضناته بكل قوة ودموعها نزلو علي شعره، زادوله لمعان!✨
...
    هو مصكر علي روحه الدار، هبه تبكي وراجلها جنبها.
———————————————
             "وإن خبأتكِ بين أضلعي
         لتلاشتْ الأضلع من هولِ جمالك❤️.."
     راقد. . . راقد وهو مبلول من المطر، وما أجمل المطر❤️
               راقد وهو مبتسم. .😀
———————————————
هديل| إنت خليتني نستنا!!
رامي| ماكنتش فاضي والله، مش بإيدي
هديل| هههه ماكنتش فاضي؟ ف شني كنت مشغول؟ شن في اهم مني!؟
رامي| أ. . أأ. .
هديل| برا شوف حياتك والحاجات لي شاغلاتك.
      هديل تبكي من داخل لكن قوية من برا، قوية قوة تخوف!
هديل| عادي، مجرد تجربة وتمت، تو تلقى لي تتحمل انشغالاتك.
        رامي كيف بيدوي، هديل خلاته ومشت. .
      "يحب لكن لي يحبها مش أولويته، امالة شن معناه الحب! ماهو أولوية!"
...
        وإن سُؤلتَ عن الفراق، فقل طريق القبر.👋🏻
———————————————
        الخبر لي يدوي عليه كل العالم توا. . الراجل لي ناض من غيبوبة ستة سنين، الراجل المعجزة!❤️
...
            طق. . . طق. . . طق. . .
     فتح إيزار الباب
الصحفي| أهلا
إيزار| تفضل
الصحفي| السيد إيزار؟
إيزار| على ما أعتقد أي. . .
الصحفي| أنا صحفي، لو مايزعجكش وإن شاء الله ما يكونش الوقت مش مناسب، حاب ندير معاك لقاء.
إيزار| لقاء؟ يعني؟
الصحفي| بنسالك شوية أسإلة، ونحطوها في الجريدة، الناس تعرف قصتك وتستفيد من تجربتك.
إيزار| الناس بتعرفني؟ تفضل تفضل.
    إيزار تحمس وابتسم، خش الصحفي للحوش، إيزار سأله "قهوة؟" الصحفي قال "ياريت" إيزار خش بيديرله القهوة. . حط الباكو قدام عيونه وقاله "وأخيرا بنجاوب علي أسإلة غير أسإلتي!"
———————————————
       هديل عايشة مع أختها بروحهم، أختها التوأم كنز.
     "صباح الخير" قالت هديل تحك في عيونها، "صباح النور" ردت كنز. . . قعمزت هديل علي طاولة الفطور، "العالم بدّي مهبول وحق ربي😂" قالت كنز، هديل بدت تاكل وسألت "علاش؟". . "قبل ثلاثة أيام في مريض ناض من غيبوبة بعد ستة سنين، تخايلي ستة سنين كاملات!!" كنز جاوبت بإنبهار، بلحظة إنبهار. . هديل ابتسمت وردت "صحة ليه، وكأنه ولد من جديد، ولد بعقل كبير، وعنده حرية اختيار الناس لي بتخش في حياته!". . . كنز قالت "صح!"
———————————————
     حطله فنجان القهوة قدّامه، الصحفي شرب أول جغمة، إيزار قعمز قدّامه.
الصحفي| ستة سنين؟
إيزار| ستة سنين👋🏻
الصحفي| كنت تحس في حاجة، ولا ستة سنين مشو وإنت مش حاس؟
إيزار| لا كنت عايش، كنت عايش بعيون مصكرة لكن كنت نسمع في ضحكات، نسمع في ناس تبكي لما تخسر حد، نحس بشعور الدكتور لي طالع من العمليات بش يعطي خبر ان المريض مات، كنت عايش غز عيوني كانو تعبانات👋🏻🙂
الصحفي| ص. . صعبة!! باهي والذاكرة؟
إيزار| اختفت
    الصحفي قاعد يستنا في ايزار يتكلم، إيزار قعد ساكت بعدين قال
إيزار| اختفت، ماعنديش كلمة توضح اكثر.
الصحفي| حياة صعبة، إن شاء الله إنك تتكيف بسرعة
إيزار| وكأني ولدت من جديد، لكن ولدت وأني عندي في قلبي، كره وحب! فا حانتكيف بسرعة. . .
     الصحفي إقتنع، كتب الاجوبة عنده ومشي. . .
     "النااااااااااااسسسسسسس بتعرفنننننيييييييييييييي!!!!" عيط إيزار بكل قوة وهو يضحك ويرقص🔥🤣
———————————————
     خربش بالاسود علي الحيط، خربش وجه المراة لي تخليها، خربش وجه أماريس، وجابه مزبوط!
           عنده موهبة الرسم.🎨
...
    قعمز يوم كامل علي الارض، ايده علي خده ويتأمل في وجهها.💭
...