كتاب أسود.🖤

خيال

    "دار هكي لان قالي انحبك، وهو مايحبنيش." ختمت هديل بعد ابتسامتها. . .
...
    قعدو ساكتين، هديل بدت موضوع جديد بطريقة غريبة، "أني فرحانة إنك كنت في غيبوبة". انخلع إيزار من جملتها وشبحلها. . قهقرت هي وكملت "وجهك. كان شفت وجهك😂😂😂"، ارتاحت ملامح إيزار، حواجبه نزلو لوطة وقال بعد تنهيدة "باهي لي طلعتي تبصري😂". . بملامح جدية ردت هديل "مانبصرش." انخلع إيزار تاني وقعد يشتملها وهي بررت " إنت زي ما إنت من ستة سنين، ماتغيرتش عاداتك، أما العالم؟ الناس؟ في ستة سنين تعلمو كل صفة مفروض يبعدو عليها، إنت صادق في وقت الكذب فيه دين، إنت بريء في وقت الخبث مدسوس في نص الابتسامة، إنت إيزار في وقت كل إنسان هو أكثر من إنسان!!😕". . . قام إيزار راْسه للسماء "ممكن، ممكن الغيبوبة أحسن حاجة صارتلي!"
__________________________________
                          قبل ستة سنين، قبل الغيبوبة. . .
"خلاص معش نقدر نتحملك أني إيزار!! هذا مش حب! الغيره مش إنك تحاول تعزلني علي العالم!!!" قالتها أماريس وخدودها حمر، صوتها عالي وعيونها واسعاااات، قالتها ومشت. . .
           إيزار بعد ماطلعت كسر الحوش كله، مرايات علي طواسي وشرك شراشيف وخطر الحيوط وكل شي. . .             "خرط الحيوط"
________________________________
     هبه تفاجأت الصبح بأن إيزار قاعد ينادي فيها "ماما"، وفرحت في نفس الوقت.  ياحظه إن جي طفل، نسي الموضوع بين ليلة وضحاها.👋🏻
...
     "قاعد ينادي فيا ماما" قالت هبه لي حمزة بإبتسامة براءة مرسومة علي وجهها. . "هه!" قال حمزة وكمل "لأنك أمه، ماجبتيشي لكن كنتي أمه بكل معنى الكلمة."
_____________________________
          روح إيزار، مشي للمطبخ بيدير قهوة، جنبها لقي باكو دخان. . طلعه وولع سبسي، حط القهوة عالغاز وقعمز يسبس في سبسيه. . " تحرق فيا وفي روحك، يا نعيشو مع بَعضُنَا يا وموتى مع بَعضُنَا." قال يكلم في السبسي، السبسي ماردش، "الحب مفروض يكون هكي!" قال إيزار، سكت شوية وبدئ يضحك. . "نكلم في روحي ولا في السبسي؟😂"
                        مافيش اجابة. . . !
____________________________
      هديل قعدت مقعمزة، حطت السماعات وبدت تغني مع الأغاني لي تسمع فيهم.
...
  "هي أهو جًاي هي معش نعطل." قال في التلفون، خطم وسمع صوت، صوت وكأنه رسمة فان جوخ تعيط، صوت عذب نقي من اي تشوه، وقف شبحلها وقال "تسريمسايهيربعاسه"، هذا لي سمعاته هديل لانها حاطه السماعات، "عفوآ؟" قالت وهو عاود "صوتك خيال!" "شكرآ" ردت بخجل، قعد يشبح وهي نزلت عيونها، ومشي لما قامتهم، تبخر. . . " هههه كل الناس بتمشي في النهاية."
____________________________
    في المدرسة مقعمز، طلعتله أماريس في نص الحصة، "وووه" قال متفاجأ😯  حطت ايدها علي خده، " إيدك مصقعه❄️" قال. . وهي ابتسمت، "عادي نسألك سؤال؟" سأل إيزار، أماريس هزت رأسها فوق ولوطة، "مني بوي؟" أمه ردت "بوك؟ اسمه سويرس". . . إيزار بكل براءة رد " كيف ندوي معاك أني توا؟" أماريس حطت ايدها علي رأسه، حكت علي شعره وردت "هذا خيالك، لما تدوي معاه انت لي تسال وانت لي تجاوب، الإجابة ماتخافش منها لان انت لي تختار فيها، ديما أدوس مع خيالك ديما. . ." قالت أماريس واختفت!
___________________________
       طفا سبسيه، صب القهوة، حط الكتاب قدّامه وقلب الصفحة.
    الجملة لي لقاها هي. . .
                        "عِش راضيآ، فالأخلاق هي الرزق.👋🏻"
...
    قبل ستة سنين تعاركو وأماريس روحت، رقدت وهي تبكي. . . لكن إيزار ماروحش!