كتاب أسود.🖤

الذكريات.

شاد تُرْمس المية ويمشي ف الشارع بروحه
وشوية شوية يتلفتت وراه
فكرة انه بروحه ف الشارع تخوف !!
لمح بنت وراء الشجرة
قرب لكـن لحظات اختفت معش القاها
وينهـا؟!
كمل طريقه للمدرسة
وكطبيعة الحـال حضر حصص ورن الجرس للإستراحة
كلهم نزلوا يجروا
وبعد ما انزل
"حييي إنسيت الفطور🤦‍♂️" قال إيزار
ركب للفصل واول ما خش القي بنت مطبسة رأسها ع المقعد
نفسها البنت!!
قرب بالشوية وكيف بتقييم رأسها....
____________________________
ناض بسرعة من طقت البـاب!
إيزار حك عيونه|مني هذا ؟!
ناض بالشوية وفتح الباب

ولد صغير ممكن ف عمر ال 10 سنين لابس كبوط وسبيدروا

أمير|عموو الكـورة طارت ف حوشك 😅عادي تعطيهالي
كان يدوي وايديه وراه

نزل ايزار لين وصل طول امير
"خيرك خايف؟!😂" قال إيزار
وجهه ولا أحمر
أمير|لالا مش خايف
إيزار |خش هي
أمير هز رأسه والخوف مسيطر عليه |لالا انت جيبها
إيزار ضحك وخش قعد يدور ف الجنان لين القاها⚽️
إيزار مدهاله
أمير|شكراً
إيزار|العفو باهي شن اسمك😂
أمير|أمير ....
هيييئ نسيت ماما قتلي متقولش لحد غريب🤦‍♂️
تعالت ضحكت إيزار |به ي أمير روح للحوش ليل توا
أمير|حاضر💛
إيزار سكر الباب وكيف بيخش الحوش قاطعته طقت الباب
رجع فتح
أمير|ظلام واني خايف نمشي بروحي☹️
إيزار ابتسمله |هي
طلع وسكر الباب وقعدوا يتمشوا الزوز
وينه حوشكم؟!
أمير| اممم غادي الي فيه لامبة 🙃
إيزار |ههههه وانت علاش طالع ف الليل
أمير|كنت نلعب مع صاحبي واني بنروح ادكرت الكورة لانه امس طاحت ف حوشك وطقيت ومفي حد فتحلي
إيزار|اها ،هي وصلنا😊
أمير|بـاي...وخش يجري

"جدد شكلهم!!"
وصل الحوش وقبل ميخش رجع راسه للجنان كانت فيه دار صغيرة مسكرة
قرب "خيره مشفتهاش من قبل؟!"
قعد يقرب ليـن وصل قدام الدار
بمجرد ما حط ايده ع الباب انفتح
إيزار يكح من الغبرة
فتح الضي كانت الدار غامضة شوية
وحتى هي فاضية 💔
إيزار تنهد وكيف بيطلع لمح صورة طايحة وعالقة ف حاشية الباب
نزل وقعد يجبد فيها بالشوية
وللأسف كانت نص صورة
النص الثاني محروق 
طلع من الدار وخش الخوش قعمز ع الكرسي
حط الصورة جنب الجملة المكتوبة

"أنتِ في قلبي، وما يدخل الى القلب لا يخرج منه، أبداً!"

الصورة زوز ايدين متشابكين
بنت وولد
هـو وهـي❤️

"أنـا وأنـتِ"
هكي مكتوب وراء الصورة
القلب نبض وكأنه يبرهن ف حقيقة الجملة الأولى ❤️
هي موجودة ف قلبه مطلعتش ❤️❤️
حط ايده جيهة الايسار مكان قلبه وهمس
"مـن إنـتِ؟!"
——————————
رقد؟؟
اي❤️، كيف هكي إنت☹️
لانه انتِ هكي
واني شن دخلني
لانه انتِ اني
قربت حضناته وهو باس رأسها
"انحبك❤️" هي قالت
وهو سكت معرفش يتكلم
ومشقادر يوصف الي يحس بيه

{كلمة أحبك لا تأتي موجة في بحر المشاعر الفائضة من قلبي إليك❤️
ولا ريح عابرة ولا ذرة رمل في شواطئي
هي كلمة هزيلة لا تصف قدرك ي جميلتي❤️}