كتاب أسود.🖤

من أنا؟

    العيون يرمشو مرتين في الثانية، يحك فيهم بايده ومش قادر يقرا. . . "ههه نسيت حتى كيف نشبح" ابتسم إيزار. . .
...
    ركز في الكلام وفِي صفحة كاملة لقي جملة واحدة بس مكتوبة. . قلب الصفحات ولقي ان كل صفحة فيها سطر وكان كثر سطرين بس. . . "شن هذا؟" سأل إيزار الكتاب. . والكتاب ماردش🙂
———————————————
     "يبكي من مبكري في الدار يا محمد، مايبيش يطلع، حتى الماكلة ماكلاش💔" قالت الام. . .
      طق. . . طق. . . طق. . .
محمد| عمر، افتح لي بابا هي
     مافيش رد. . .
محمد| نستنا اني. . .
     ناض عمر فتح الباب لي بوه.
محمد| قالولي جبت درجة ضعيفة، حقا؟
عمر| من قالك؟☹️
محمد| مش مهم
عمر| اي صح
    محمد حط ايده علي شعر ولده. . .
محمد| درجة تتعوض في الامتحان الجاي عادي
عمر| كل مرة نقول هكي وماتتعوضش💔☹️
محمد| عادي يجي يوم وتحقق. . .
   عمر بدّي يبكي تاني. . .
محمد| كان عندي مريض في المستشفى، ليه ستة سنين راقد، عايش ومش عايش، لكن حني في المستشفى مافقدناش فيه الامل بكل بكل، ستة سنين وهو راقد!! امس ناض واليوم روح لي حوشه. . . تعرف علاش؟
عمر| ع. . . علاش؟
محمد| لان حني في المستشفى ما استسلمناش بكل مع ان لينا ستة سنين نفشلو!😁
    عمر شبح لي بوه ومسح دموعه، والام تبتسم من برا❤️
———————————————
             رجع للصفحة الاولى
"أنتِ في قلبي، وما يدخل الى القلب لا يخرج منه، أبداً!"
        قراها إيزار وهو مستغرب. . .
"من هي؟" "اني كاتبها هادي؟" مليون سؤال نقز في دماغه لين بدّي يحك في راْسه. . .
    "مرات مش هذا الوقت المناسب اني نقرا حياتي!" قال في نفسه. . قام طاسة القهوة بيشرب لقاها تمت، ناض للمطبخ بيصب تاني.
    وهو يمشي شبح للحوش كله، "هذا حوشي!؟" وقعد يتمشا والطاسة في ايده. . . خش لي داره، مَس السرير لقاه غبرة والحيوط غبرة، والعناكب ماصدقت لقت حوش.
     فتح الدولاب لقي حوايجه، إبتسم بتعجب😀
     "ذوقي ابداع كان!😂❤️" قال لي روحه. . .
   شبح لي الطاسة وقال "نسيت" ومشي عباها. . . وولا قعمز قدام الكتاب تاني، اتكا وبدي يفكر. . .
    مر الوقت وهو مقعمز في مكانه، ناض فجاة مشي لي داره تاني، بدّي يفتح في اي دولاب يجي قدّامه واي قجر يجي قدّامه يدور في اي حاجة يمكن ادله علي حياته. . .
  الحوش فاضي! مافيش حتى صورة!💔
———————————————
     "رد بالك علي روحك إيزار باهي، وفطورك هوني في الشنطة كوله." قالت الام ورد عليها ولدها بإبتسامة عرييييضة "حاضر ماما😁❤️"
...
  لما تحب لدرجة ان تخلي ولدك يذكرك ب لي تحبه؟ محظوظ هلبا لي تحبه، هلبا!❤️
———————————————
     "نرقد خيرلي اني" قال إيزار. . ماشي لي داره بيرقد وقف في نص الطريق، "نرقد؟ ليا ستة سنين راقد اني😂" ويضحك. . . "كان نرقد معش انوض؟" ولا لي دار المعيشة تاني. . .
      "نكلم ف روحي بديت🤦‍♂️" خبط غلي جبهته بإبتسامة شفقة علي روحه.
...
   "أنتِ في قلبي، وما يدخل الى القلب لا يخرج منه، أبداً!"