كتاب أسود.🖤

اللامبالاة

الفن يُنقّى من الآلم ليُعرضْ سعادة
ويصبح الآلم جاثي على جدارن قلب الفنان💔!!...
—————————
     "فَبِغَيْرِ حُبِّكْ لاَ أگـونْ حَالِي 
      وَلاَ تَصِحُ أَحْوَالِي
      وَبِجَمَالِكْ الْمُثِيرْ تَنْفَنِي أَقْوَالِي
      وَمُنْذُ رَحِيلِكْ أَصْبَحْتُ لاَ أُبَالِي"

وَمُنْذُ رَحِيلِكْ أَصْبَحْتُ لاَ أُبَالِي!!!

ضحك وقال بإستهزاء"لا ابالي قال !!"
مالا علااش توا مهتم!!!!! علاش قلبي يحرق علاش مدكرها؟ خاطري نعرف قلبي وين كان لما كتبتها الجملة ،كيف قلبي طاوعني نكتبه كييييييف!!!
"ككككيييييييففففف؟؟" عيط
ومحد رد!
————————————
منزل كبير....غُرف كثيرة...ممرات أشباه المتاهات...بيت مأوى لشخص واحد...واحد ناقص...ينقصهُ روح وقلب...قلب مات عاشقْ لموت عشيقته!!..غُرفة سوداء كـ سوادْ قلبه...ومُظلمة كـ عتمة قفصه الصدري..
غُرفة فارغة كـ فَراغ جسمه من دُونها ..
جالس وبيديه ازهار تكاد تتلاشى من الذبول...
والذبول رُسم على جدار قلبه قبل ان يمركز وجهه..
....حكاية بلا عنون ولنجعل آلم كل منكم ينشيء عنوان للفتى البؤس...
——————————
يشوف للورد الذابل الي في ايديه ،ذابل ومبلول بدموعه..او نقولو بالدم الشفاف من جفونه
ورد عكس الورد..
ورد يذبل بدل ليزهر ... ورد يذبل بدموع بدل ليسقى بالمية... ورد الحزن الفاتن ... ورد عظيم الشأن واحد لا ثاني له🖤!..

"هـااااه" تنهد يزن ..وكلنا نعرفوا انه البداية تنهيدة وبعدها ملحقاتها او العكس تكون التنهيدة ختام والاكثرية تكون التنهيدة ما قبل الصمت المميت💔...
"حبيتك ف يوم؟!! اني شن درت!.. انتِ شن درتي هاذي غايتك تقتلي شخصين وخلااص تمت!! باه انتِ لوطا واني اللي فوق شن يصير فيا ؟؟! "
كمل كلامه وهو شاد جيهة قلبه..
طلع من الدار وبعدها من الممر ...بخطوات رزينة يمشي رأسه لوطا وعيونه ذابلات ..خش لدار كانت واسعة حيوطها بيض زي بياض هديل❤️..
يزن سكر الباب وطلع موس من القجر بدي يجرح في ايديه وكل دم يطلع من الجرح ياخده بصبعه ويخربش بيه ف الحيط ايديه دم وهو مستمتع ويخربش عقله مش معاه مش حاس بالوجع لانه الي داخل اكبر من انه يحس اللي برا كمل رسمته وجهه هديل وهي لابسة سماعات مقعمزة علي كرسي ... ضحك باستهزاء
ودندن بالاغنية الي غنتها هديل اليوم هداكا ...شاف ليديه الحمر  وتمتم
" عطشانة وشربتي دمي!!..."
———————————————-
إيزار مقعمز ف داره ويهدرز مع خيال أُمه
إيزار"ماما وين بابا؟".."حلو؟ كويس!! وينه هو باه"عمّ الصمت..وخشت هبة وتخزرط إيزار
هبة"إيزار حبيبي خيرك"
إيزار سأل"بابا وين؟"..."حمزة قريب يروح من الخدمة " جاوبت هبة وزادت"تبي حاجة؟"
إيزار هز راسه "لالا بنرقد طفي الضي" ..طلعت وطفت الضي وهو تغطى وقال ف قلبه"عندي أُمين وأبين!!"....نفخ وسكر عيونه
—————————
كنز ❤️..
مغمضة عيونها والسعادة غامرة قلبها...
علاش الحزن المغمور ف القلب اكثر من السعادة!
لكن السعادة لما تُغمر تأثيرها يكون أقوى!..

تتكلم بروحهاا .. الكل يتكلم مع روحه اني انت هو هي كلنا كلنا ..علاش؟ لانه راحة!!. لانه انت اجمل واصدق صديق ليك انت ..ومهما صار وكدبت! حيكون كدبك اهون من كدب الناس عليك..
كون صديق لنفسك كون حبيب لنفسك كون الراحة لنفسك❤️...