طريق كامل وهي حاطة راسها على يدها تخمم في اللي جاي زعما عائلة هالة تتقبلها راح تتقدر تتاقلم معاهم و هي بعيدة على دارهم ... تفاطنت على يد هالة لي كانت تنوض فيها
هالة : هيا تالين رانا لحقنا
هبطت تالين من طونوبيل قاعدة تشوف في الدار لي هي قصر بزاف شابة
دخلت تالين لقات واحد المراة كبيرة
هالة : ليندة هذه هي تالين لي حكيتلك عليها طلعيها لشمبرتها ترتاح
ليندة وصلت تالين للشمبرة عجبتها بزااف كانت تهبل كانت كبيرة قد دارهم دخلت تالين لافاليز و راحت رقدت ديراكت
في صباح :
ناضت تالين غسلت وجهها و بدلت حوايجها و هبطت لقات هالة قاعدة فالصالون
تالين : صباح الخير
هالة : صباح نور
قعدت تالين قدامها حتى سمعو العياط قدام الباب
جمانة : مامااا عيطي على وليدك
هالة : جود خلي ختك
جود : مدرتلها والو
جمانة : شمختني بالماء البارد و ما درت والو
جود ( قرصها من خدها ) : متزعفيش تولي ماشي شابة كي تزعفي ..... اووه كاين ضيوف هنا
هالة : هذه تالين بنت حنان صحبتي لي موالفة نحكيلكم عليها ماليوم راح تقعد معانا ؛ تالين نعرفك على توام جود و جمانة
جود : معرفة خير
جمانة : انشاءالله يعجبك الحال عندنا
تالين اكتفات بتبسيمة منبعد ناضو سقهواو غير كملو تالين رجعت لشمبرتها
جمانة : ماما وعلاش راهي زعفانة كاش مغلطنا معاها
هالة : نتوما مغلطتو فوالو بصح يماها ماتت البارح على هذيك
جمانة : ااه مسكينة
جود : ربي يرحمها
تالين قاعدة في فراشها شادة تصويرة تاع يماها و تبكي حتى سمعت دقديق فالباب رجعت تصويرة و مسحت دموعها
تالين : انعم
دخلت جمانة و معاها جود
جمانة : نقدرو ندخلو
دارتلهم براسها ايه
جمانة : راني سور بلي راح نجوزو وقت شباب مع بعضنا
ضحكتلها تالين
جمانة : عندك ليفوسات ؛ شحال تمنيت يكونو عندي لوكان انا فبلاصتك نظل نضحك
جود : تالين واش رايك نهبطو نتفرجو كاش فيلم
جمانة : ايه صح هيا مترفضيش
تالين : ايه معليش
جود : اخيرا سمعنا صوتك حسبتلي متهدريش
هبطت تالين معاهم تفرجو كيفكيف منبعد قعدو يلعبو و يقسرو محسوش للوقت كيفاش جاز جود و جمانة حبو ينسيوها شوية المهم لحق الليل تالين كانت فشمبرتها ترتب فالخزانة و من جهة اخرى ايهم كان لحق للدار دخل لقاهم قاعدين فطابلة باش يتعشاو راح سلم على يماه و قعد منبعد عيط للخدامة
ايهم : تقدري تحطي العشاء
جمانة : استناو تالين مزال مهبطت
ايهم : شكون هذه !!
هالة : تالين بنت صحبتي و هي توفات البارح و معندها حتى واحد على هذه راح تعيش معانا منا و لفوق
ايهم : يما مكانش علبالي بلي حليت ميتم فدار
هالة : ايييهم
ايهم : وشنو كيفاش جيبي وحدة منعرفوهاش لهنا
جود : ايهم الطفلة عاقلة ...
ايهم : جوود متزيدش تقاطعلي هدرتي
هالة : ايهم اعرف واش راك تهدر حنان ماشي غير صحبتي ختي منسمحلكش تهدر على بنتها هكذا
في هذا الوقت لحقت تالين
تالين : اسمحولي اذا طولت
ايهم : هنا كاين قوانين و مدامك راح تقعدي هنا لازم تلتزمي فيهم المرة الجاية تكوني فالوقت سينون مكانش عشاء
هالة : تالين بنتي اقعدي
قعدت تالين تاكل و هي مقنوطة حست روحها غير مرحب بيها بصح معندها حتى خيار
هذا هو البارت نتمنى يكون عجبكم علبالي قصير بصح راح نزيدلكم بارت منبعد انشاءالله خليولي ارائكم فالبارت و توقعاتك فالاحداث الجاية 💜
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
