اصيل : تالينتي شكون جاا ..... ايهم
تالين زادت حمارت و تقلقت
ايهم : تالينتي ؟؟
اصيل : ايهم دخل وعلاش راك واقف
ايهم : وقيلا راح نسقسيك اذا ندخل ولا لالا
تالين : اي....
مكملتش لقاتو ضربو و اصيل فالارض ؛ راحت تجري تسلك قد ما سيات تجبدو مقدرتش
تالين : يا ايهم طلقو ... حبببس
جبد روحو منو اصيل كان مدمدم كامل مسكين ايهم عنيه طانو حمورا راح ليها جبدها من يدها
ايهم ( بالعياط ) : واش كان يدير عندك فنص الليل
تالين : اسكت اسكت شوف واش درتلو
هبطت عند اصيل تبكي
تالين : اصيل راك مليح
اصيل : هه راني مليح متقلقيش روحك
ناض اصيل راح و هي دارت ليه
تالين : هبلت ... وعلاش درتلو هكذا
ايهم : متخلينيش ن...
تالين : واشنو راح تزيد تضربني كيما ضربتو
شدلها يدها و دخلها لداخل و غلق الباب
تالين : واش حاسب روحك دير
ايهم : نتي لي واش راكي ديري ؛ خرجت من دار و شريتي وحدة و جايبة رجال لدارك فنص ليل و لا اللبسة تاع **** لي لابستهالو حابة تهبليني
تالين : مكان مدخلك
ايهم : روحي رفدي حوايجك تولي للدار
تالين : راك نورمال في عقلك ؛ ماشي قتلي راكي ضيفة و راكي عبئ عليا و منعرف واش ، دوكا ولات عندي دار و....
ايهم : انسايها هاذي تاع تقعدي هنا وحدك
تالين : نقعد وحدي و نجيب لي حبيت عندي و نلبسلو واش حبيت .. بصفتك واش راك دخل روحك
خزرت فيه شحال و دورت راسها جات رايحة جبدها عندو
ايهم : تالين متهبلينيش
تالين : نتا لي راك تهبل فيا ؛ نتا قتلي بعدي قتلي ديري واش تحبي تحب نفكرك فواش كنت تقولي ولا واش كنت ديرلي كل مرة تهيني و تجرحني
ايهم : واش راكي ديري
تالين : راني نسيي نخرج من حياتك .... بعد عليا
ايهم : اذا قدرتي تخرجي من عقلي و قلبي وقتها خرجي من حياتي
تالين : ........ الحاجة الوحيدة لي كاينة في قلبك عليا هي الكره
ايهم : منكرهكش و عمري ما كرهتك .... فهمي
تالين : واش
ايهم : انا ..... انا ..... نحبك
مسحت الدموع لي فعينيها و ضحكت
تالين : هه انا حبي ليك مات
ايهم : تكذبي .... نعرف نقرا عينيك مام لوكان تقوليلي نكرهك علبالي بلي تحبيني علبالي قبل ماتقولي بصح لي قدرت نفهمو فيك مقدرتيش تفهميه فيا
تالين : وعلاش كاش واحد يقدر يفهمك .... انا نسيتك و دوكا حابة نمد فرصة لاصيل بارسكو هو لي يستاهلني
في ثانية هذاك الشخص الجديد لي شافته راح و رجع ايهم
ايهم : هذيك كي نموت ديريها
تالين : ههه حسبتلك بلي راح تتحكم في حياتي
ايهم : لوكان نزيد نلقاك تهدري معاه ولا تشوفي فيه موته على يدي و مراهي لا اول ولا اخر مرة
خزرت فيه مغزلة مالغري من داخل كانت ميتة بالفرحة
ايهم : روحي جيبي حوايجك نروحو
تالين : قلت لالا يعني لالا
ايهم : نتي مهبولة طفلة قاعدة وحدها هنا فدار
تالين : نموت و نعرف كيفاش تخمم
راحت للصالون و قعدت فالفوتاي شدت فقلبها لي حسته راح يخرج و تبسمت شافته داخل زبطت وجهها
تالين : مزال مرحت
خزر فيها مليح و راح تكسل قدامها و حط راسه في حجرها
قعدت شحال طلت عليه لقاته رقد رفدتله راسه بلعقل و ناضت جابتلو غطاء و غطاتو و راحت لشمبرتها تجري عيطت لرزان حكاتلها
رزان : يا اونفان ... فرحتلك حبيبتي بصح بلاكي تقبلي تمتم جرجريه عذبيه خليه يجري موراك من بلاصة لبلاصة
تالين : كوني مهنية
رزان : منخافش على ختي
كوبات عليها و راحت رقدت
صباح جديد :
ناض ايهم صباح لقا روحو مغطي فوق الفوتاي تبسم صونا تيليفونو
ايهم : واش كاين
*** : بوس جا السي عمر حاب يشوفك
ايهم : راني مشغول قولو لمرة الجاية يدي rendez-vous قبل
كوبا عليه كي لقا جيداء تعيط
ايهم : خير جيداء
جيداء : ايهم مزال باش جي
ايهم : على هذه عيطتي ؛ قتلك اذا مكانتش حاجة urgent متعيطيش
كوبا عليها و ناض حوس على دوش غسل و خرج قابلاته شمبرة راح فتحها بلعقل لقاها راقدة راح عندها بلعقل طلعلها شعرات كانو هبطين على وجهها
يتبع .......
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
